Qasym-Jomart Toqaev Prezident Sadyr Japarovty jáne qyrǵyz halqyn baýyrlas eldiń 2027-2028 jyldary BUU Qaýipsizdik Keńesiniń turaqty emes múshesi bolyp sailanýymen quttyqtady, dep habarlaidy ult.kz.
– Bul aitýly oqiǵa Qyrǵyzstan jáne tutas Ortalyq Aziia elderi úshin tarihi mánge ie. Qyrǵyz Respýblikasy Prezidentiniń basshylyǵymen júrgizilip otyrǵan jasampaz ári syndarly saiasattyń nátijesinde Qyrǵyzstannyń halyqaralyq arenadaǵy bedeli joǵary deńgeide tanyldy. Qazaqstan Qyrǵyz Respýblikasynyń kandidatýrasyn dáiekti túrde qýattady ári osy jaýapty missiiany atqarýda aldaǵy ýaqytta jan-jaqty qoldaý kórsetýge daiyn. Qyrǵyzstannyń BUU Qaýipsizdik Keńesindegi jumysyna tabys tileimin! – dep jazylǵan jedelhatta.
