Memleket basshysy Qasym-Jomart Toqaev Astanaǵa jumys saparymen kelgen Ózbekstan Prezidenti Ákimshiliginiń basshysy Saida Mirziioevamen kezdesti, dep habarlaidy ult.kz.
Kezdesý barysynda Prezident Saida Mirziioevanyń sapary Qazaqstan men Ózbekstan arasyndaǵy strategiialyq seriktestikti odan ári nyǵaitý turǵysynan mańyzdy ekenin atap ótti.
Qasym-Jomart Toqaevtyń aitýynsha, eki el arasyndaǵy yntymaqtastyqtyń tereńdeýi Ortalyq Aziiadaǵy turaqtylyq pen óńirlik yqpaldastyqty kúsheitýge yqpal etedi.
– Qazaqstan da, Ózbekstan da óńirdegi iri memleketter. Búginde eki el de damýdyń mańyzdy kezeńinen ótip jatyr. Bizge beibitshilik pen qaýipsizdik qajet. Sonda ǵana reformalardy tabysty júzege asyra alamyz, – dedi Memleket basshysy.
Prezident sondai-aq 2026 jyldyń Qazaqstanda Tsifrlandyrý jáne jasandy intellekt jyly bolyp jariialanǵanyn eske salyp, Ózbekstannyń osy baǵyttaǵy jetistikterine joǵary baǵa berdi.
– Álem jasandy intellektini damytýǵa erekshe kóńil bólip otyr. Biz de zaman talabynan qalmai, osy baǵyttaǵy jumystardy kúsheitýimiz kerek, – dedi Qasym-Jomart Toqaev.
Óz kezeginde Saida Mirziioeva Ózbekstan Prezidenti Shavkat Mirziioevtiń sálemin jetkizip, Qazaqstanmen kópjaqty yntymaqtastyqty damytý Tashkent úshin mańyzdy basymdyqtardyń biri ekenin aitty.
– Ózbekstan men Qazaqstan Ortalyq Aziiadaǵy turaqtylyq pen ornyqty damý jolynda birlesip jumys istep keledi. Qazaqstan – bizdiń senimdi seriktesimiz ári odaqtasymyz, – dedi ol.
Kezdesý barysynda taraptar saýda-ekonomikalyq jáne mádeni-gýmanitarlyq yntymaqtastyqty keńeitý máselelerin talqylady. Sonymen qatar Qazaqstan men Ózbekstanda júzege asyrylyp jatqan saiasi jáne áleýmettik-ekonomikalyq reformalar jóninde pikir almasty.
