Kezdesý barysynda Prezident Qazaqstannyń Germaniia Federativtik Respýblikasymen strategiialyq seriktestikti damytýǵa airyqsha mán beretinin atap ótti, dep habarlaidy ult.kz.
Qasym-Jomart Toqaevtyń aitýynsha, Germaniia – elimizdiń eń iri saýda jáne investitsiialyq seriktesteriniń biri.
– Ekijaqty saýda jáne investitsiialyq yqpaldastyqta oń dinamika baiqalady. 2005 jyldan beri Qazaqstan ekonomikasyna 8 milliard dollardan astam tikelei investitsiia tartyldy. Onyń basym bóligi shikizattyq emes sektorǵa tiesili. Búginde elimizde nemis kapitalynyń úlesi bar myńnan asa kompaniia tabysty jumys isteidi. Olardyń arasynda CLAAS, Horsch, Siemens, BASF, Heidelberg Materials, Siemens Energy, Knauf jáne Linde siiaqty ónerkásip alpaýyttary bar, – dedi Memleket basshysy.
Prezident Qazaqstan tarapy germaniialyq biznestiń bizdiń naryqqa kóbirek kelýi úshin qajetti jaǵdai jasaýǵa daiyn ekenin rastady.
Qasym-Jomart Toqaev elimizde júrgizilip jatqan aýqymdy saiasi ózgerister týraly áńgimeledi.
Jańa Konstitýtsiiada Qazaqstannyń demokratiialyq, zaiyrly, quqyqtyq jáne órkendegen memleket retinde damý baǵytyn aiqyndaityn negizgi qaǵidattar kórinis tapqanyn aitty.
Katerina Raihe ekijaqty kún tártibiniń ózekti máselelerin talqylaý múmkindigi úshin Prezidentke alǵys aityp, Qazaqstannyń áleýmettik-ekonomikalyq damýyndaǵy eleýli tabystaryna toqtaldy. Sondai-aq ministr Qazaqstan Germaniianyń aimaqtaǵy iri saýda-ekonomikalyq seriktesi sanalatynyn, ekijaqty yqpaldastyqty keńeitýdiń áleýeti mol ekenin jetkizdi.
Kezdesýde energetika, ónerkásip, tsifrlandyrý, sirek kezdesetin metaldardy óndirý jáne óńdeý, kólik-logistika infraqurylymy salalaryndaǵy yntymaqtastyqty jandandyrý perspektivasyna airyqsha mán berildi.
Qasym-Jomart Toqaev Germaniianyń Federaldyq Prezidenti Frank-Valter Shtainmaierge jáne Federaldyq kantsler Fridrih Mertske ystyq yqylasyn joldady.
