Sheteldik investorlar keńesiniń 38-shi plenarlyq otyrysy aiasynda ótken kezdesýde Qazaqstan men qarjy institýtynyń taiaý jyldardaǵy yntymaqtastyq perspektivasy talqylandy, dep habarlaidy ult.kz.
Prezident elimizdiń ekonomikalyq damýyna úles qosqany úshin EQDB basshylyǵyna rizashylyq bildirdi.
– Bizdi strategiialyq qarym-qatynas bailanystyrady. Qazaqstan – Banktiń negizgi seriktesi sanalatyn memlekettiń biri. Mundai yntymaqtastyq bizdiń uzaqmerzimdi saiasatymyzǵa sai. Ózara yqpaldastyǵymyz kóptegen jyldan beri tabysty ilgerilep keledi, – dedi Qasym-Jomart Toqaev.
Sońǵy otyz jylda Bank Qazaqstandaǵy 354 jobaǵa 11 milliard eýrodan asa investitsiia quiǵan. Sonyń nátijesinde elimiz EQDB-nyń aimaqtaǵy iri seriktesteriniń birine ainaldy.
Búginde damý institýty Qazaqstanda jalpy quny 3,1 milliard eýrodan asatyn 131 jobany qarjylandyryp otyr.
Memleket basshysy Qazaqstan Úkimeti men EQDB arasynda Seriktestik týraly negizdemelik kelisimge qol qoiylǵanyn quptady. Onyń aiasynda elimizdiń ornyqty damýyna úles qosý kózdelgen.
Qasym-Jomart Toqaevtyń aitýynsha, qazirgi ýaqytta Qazaqstan ártaraptandyrylǵan, básekege qabiletti jáne tehnologiialyq turǵydan ozyq ekonomika qurý maqsatynda órshil reformalardy qolǵa aldy.
Odil Reno-Basso Qazaqstandaǵy strategiialyq maqsattardy sapaly túrde iske asyrýǵa berik negiz qalaityn jaǵymdy investitsiialyq ahýal men ekonomikadaǵy qurylymdyq ózgeristerdi oń baǵalady.
– Biz úshin Qazaqstan mańyzdy elderdiń biri sanalady. Biyl investitsiialyq belsendilik deńgeii óte joǵary. Qazirdiń ózinde jalpy somasy 1 milliard dollardan asatyn kelisimderge qol qoiyldy. Daiyndalyp jatqan jobalardy esepke alsaq, jyl sońyna deiin investitsiia kólemi 1,3 milliard eýroǵa deiin ulǵaiýy múmkin. Bul Qazaqstanda jumys istegennen beri qol jetkizgen eń joǵary investitsiialyq kórsetkishimiz bolmaq, – dedi EQDB basshysy.
Odil Reno-Basso Qazaqstannyń infraqurylym, kólik bailanysy, irrigatsiia jáne energetika sektorlaryn damytýǵa aldaǵy ýaqytta da atsalysýǵa ázir ekenin rastady.
Bank jeke sektorǵa, shaǵyn jáne orta bizneske qoldaý kórsetýge, sondai-aq investitsiialyq jobalardy qarjylandyrýǵa nietti. Qarjy uiymynyń investitsiialyq qyzmetindegi basym baǵyttyń biri – asa mańyzdy shikizat materialdary.
Áńgimelesý barysynda tsifrlandyrý jáne jasandy intellekt salasyndaǵy yntymaqtastyqty jandandyrýǵa basa mán berildi.
Eýropalyq qaita qurý jáne damý banki Qazaqstan ekonomikasynyń tsifrlyq transformatsiiasyna úles qosý arqyly innovatsiialyq ekojúielerdiń qalyptasýyna qoldaý bildirýge daiyn.
