2019 jyldyń 2 qyrkúiegindegi Memleket basshysy Qasym-Jomart Toqaevtyń Qazaqstan halqyna Joldaýy el birligi men yntymaǵyn, bilim men parasattylyqty, syndarly qoǵamdyq dialog pen halyqtyń ál-aýhatyn jaqsartýǵa baǵyttalǵan kópten kútken mańyzdy ári maǵynaly dúnie deýge bolady.
Ásirese bul Joldaýdaǵy Prezidentimizdiń Qazaq tiliniń memlekettik til retindegi rólin kúsheitip, ultaralyq qatynas tiline ainaldyratyn ýaqyttyń jetkendigin basa kórsetýiniń máni asa joǵary.
Shyndyǵynda álemdegi kez-kelgen memlekettiń til saiasaty – onyń ajyramas quramdas bóligi jáne el muratyn memlekettik múddege toptastyrýshy negizgi faktor bolyp sanalady. Bul rette tildiń kúndelikti ómirdegi kommýnikativtik qyzmeti resmi mártebesine sáikes bolýy tiis. Demek, memlekettik til ultaralyq qatynas tilimen qatar, jahandyq zamanaýi suranystarǵa ie aqparattyq tehnologiialar tili bolýy kerek. Kompiýter men elektrondy quraldar tili, himiia, fizika, informatika, meditsina, kólik transporty, geografiia, biologiia t.b. siiaqty keń taralǵan kásipterde órisin keńeitip, salalyq terminologiianyń bazasyn qalyptastyrýǵa qyzmet etýi tiis.
Memlekettik tildiń resmi kommýnikativtik quzyrettiligi men ómirsheńdigine salalyq mamandar men jeke mekemeler jáne túrli kompaniia qyzmetkerleri janashyrlyq tanytyp, ynta jigerlerimen at salysyp, rýhani kúsh qýatyn jumyldyrsa, shynaiy ultaralyq qarym-qatynas tiline ainalatynyna senimimiz mol. Bul, óz kezeginde, táýelsizdigimizdi nyǵaityp, halqymyzdyń rýhani qundylyqtaryn damytýǵa zor septigin tigizbek.
Ál-Farabi atyndaǵy QazUÝ oqytýshylary
K.Q. Kúrkebaev, J.B. Satkenova
.jpeg)