QR Prezidenti Qasym-Jomart Toqaevtyń baspasóz hatshysy Berik Ýáli Memleket basshysynyń qashyqtan oqýǵa qatysty birqatar tapsyrmasy oryndalǵanyn málimdedi, dep habarlaidy "Ult aqparat".
«Memleket basshysy «Qashyqtan oqý júiesine kóshken kezdegi eń mańyzdy quraldyń biri - elektrondy oqýlyqtar bolmaq. Bilim jáne ǵylym ministrligi oqýlyqtardy vedomstvonyń aqysyz quqyqtaryn bekitip bere otyryp, olardy kezeń-kezeńimen tsifrlyq formatqa kóshirý josparyn ázirleýge tiis» degen bolatyn. Otandyq baspalar men oqýlyqtardyń elektrondy nusqalaryn aqysyz paidalaný máselesi kelisildi», - dep jazdy Berik Ýáli Facebook paraqshasyna.
Onyń aitýynsha, 1-11 synyptarǵa arnalǵan barlyq elektrondy oqýlyqtar Bilim jáne ǵylym ministrliginiń saitynda jariialandy.
«Tehnikalyq jáne kásiptik bilim berý júiesinde koldedjderdiń 100%-y otyzdan astam platformaǵa qol jetkize alady. 21 000-nan astam tsifrlyq resýrstardy qamtityn katalog quryldy. 12 368 beinesabaq, 3 848 elektrondy oqýlyq, 5 771 qosymsha material, 30 368 ustaz IT quzireti boiynsha biliktiligin arttyrdy. Qashyqtan oqý platformalaria men baǵdarlamalaryn paidalana otyryp 20-dan astam nusqaýlyq ázirlendi», - deidi ol.
