Foto: Aqorda
Qasym-Jomart Toqaev birqatar nysannyń qyzmetimen tanysyp, óńirdiń áleýmettik-ekonomikalyq damýy jóninde keńes ótkizedi, dep habarlaidy Ult.kz.
Eń aldymen Prezident Aqtaýdaǵy kóterme saýda-taratý ortalyǵyn aralap kórdi. Memleket basshysyna azyq-túlik qaýipsizdigin saqtaityn mundai nysannyń aimaqta alǵash ret salynǵany jóninde baiandaldy. Atalǵan ortalyq óńirdi azyq-túlikpen qamtamasyz etý, tutynýshylarmen aradaǵy deldaldardy azaitý jáne ónim baǵasyn tómendetý maqsatynda boi kótergen.
Osydan keiin Qasym-Jomart Toqaev Shahmardan Esenov atyndaǵy Kaspii tehnologiialar jáne injiniring ýniversitetiniń aýmaǵynda ornalasqan tehnologiia parkiniń jumysymen tanysty. Prezidentke tehnoparktiń zamanaýi infraqurylymmen jasaqtalǵany jóninde aityldy. Munyń bári startaptar men jobalar ázirleýmen ainalysatyn kásipkerlerdi, stýdentterdi, sondai-aq oqýshylardy qoldaýǵa arnalǵan.
Foto: Aqorda
Qasym-Jomart Toqaev stýdenttermen áńgimelesý barysynda qazir jańa tehnologiialar men jasandy intellekt baǵyttaryn damytý ózekti bolyp otyrǵanyn jetkizdi. Prezidenttiń aitýynsha, elimizde kólik-logistika salasynyń bilikti mamandaryna suranys joǵary. Memleket basshysy jastardy keleshektiń kepili sanalatyn sapaly bilim alýǵa shaqyrdy.
Memleket basshysy BS Arena kópfýnktsionaldy sport kesheniniń qyzmetimen tanysty. Zamanaýi qurylǵylarmen jabdyqtalǵan nysanda halyqaralyq jáne respýblikalyq sport jarystaryn, sondai-aq mádeni-kópshilik is-sharalardy ótkizýge bolady. Munda voleibol, basketbol alańqailary, fýtzal, jabyq jáne ashyq tennis korttary, bassein, jekpe-jek túrleri men fitneske arnalǵan zaldar, sondai-aq fýtbol alańy bar.
Foto: Aqorda
