Búgin 6-shy sailanǵan QR Parlamentiniń úshinshi sessiiasynyń ashylýynda Elbasy Nursultan Nazarbaev Asqar Jumaǵaliev pen Erbolat Dosaevtyń Úkimetke oralý sebebin aitty, dep habarlaidy "Ult aqparat".
«Álemde áli kúnge deiin tynyshsyzdyq oryn alýda. Derjavalar arasyndaǵy dialog sanktsiialyq saiasatpen birge júrýde. Bul Qazaqstanǵa da áserin tigizbei qoimaidy. Óńirlik janjaldar da tynyshtalar emes. Destrýktivti ideologiia óziniń yqpalyn keńeitýdi jalǵastyrýda. Buǵan qosa, jańa múmkindikter berýmen qatar táýekelderi de bar jappai tsifrlandyrý qarqyn alyp keledi. Munyń barlyǵy da jańǵyrý saǵatynda eseptiń jyldarmen emes minýttarmen júrip jatqandyǵyn bildiredi. Qazaqstan bul baǵyttardyń barlyǵynda da mindetti túrde úlgerýi tiis. Dál osy jait Úkimet pozitsiiasyn eki jańa orynbasarmen nyǵaitýǵa májbúrledi», - dedi Elbasy.
Memleket basshysynyń aitýynsha, Asqar Jumaǵalievtyń Úkimet basshysynyń orynbasary bolyp taǵaiyndalýy elimizde «Tsifrly Qazaqstan» atty aýqymdy memlekettik baǵdarlamanyń júzege asyryla bastaýymen bailanysty boldy.
«Biz kóshýge tiisti «Tsifrly Qazaqstan» baǵdarlamasynyń máni óte zor. Munymen barlyq elder ainalysýda. Bul damýdyń bolashaǵy, eńbek ónimdiligi, jańa tehnologiialar jáne onymen naqty adam ainalysýy tiis ári kún saiyn bizdiń aldymyzda Úkimet atynan esep berýi qajet. Bul pozitsiiaǵa bilimi boiynsha IT mamany sanalatyn Asqar Jumaǵalievti taǵaiyndadym. Ol men taǵaiyndaǵan laýazymdarda ózin jaqsy menedjer retinde kórsetti. Oǵan dál osy ýchaske tapsyrylady. Onyń árbir ministrlikte óz ókili bolýy tiis. Orynbasarlardyń biri ainalysýy qajet. Tsifrlandyrý eń aldymen ulttyq kompaniialarǵa, óndiris pen ónerkásipke kerek», - dedi Nursultan Nazarbaev.
Sonymen qatar Memleket basshysy Úkimetke Erbolat Dosaevtyń qaita oralý sebebin de túsindirdi. Este bolsa, ol ótken jyldyń mamyrynda Ulttyq ekonomika ministri laýazymynan otstavkaǵa ketken bolatyn.
«Ekonomikanyń makroekonomikalyq bóligin kúsheitý Erbolat Dosaevqa júkteledi. Ol naǵyz azamat, djentelmen retinde ókilettigin óz erkimen toqtatqan jaǵdai boldy. Biraq, bul - onyń kinási emes. Onyń tájiribesi men bilimi, jumys taǵlymdamasy elimizdiń ekonomika, qarjy, makroekonomikasyn, sonymen qatar biýdjetimizdiń jartysyn tutynatyn áleýmettik blogyn óz qolynda ustaýǵa múmkindik beredi dep úmit artýǵa bolady», - dedi QR Prezidenti.
.jpeg)