Prezident Qaraǵandy oblysyna jumys sapary barysynda turmystyq tehnika shyǵaratyn «Silk Road Electronics» jáne kólik dóńgelegin shyǵaratyn «KamaTyresKZ» zaýyttarynyń jáne ónim túrlerimen tanysty, dep habarlaidy "Ult aqparat" Aqordanyń resmi saityna silteme jasap.
«KamaTyresKZ» dóńgelek zaýytyn biyl jyl sońyna deiin iske qosý josparlanǵan. Kásiporyn bastapqy kezde jeńil jáne jeńil júk kólikterine arnalǵan dóńgelekter shyǵarady. Keiin jobanyń ekinshi kezeńinde transporter, konveier lentasy siiaqty rezinatehnikalyq buiymdar, al úshinshi kezeńinde aýyl sharýashylyǵy tehnikasy dóńgelekterin óndire bastaidy. Zaýyttyń jobalyq qýaty jylyna 3,5 million dóńgelek shyǵarýǵa eseptelgen.
Qazirgi kezde zaýyt seriktesterimen birlesip, ózine qajetti mamandardy daiarlaýǵa kirisken. Saran gýmanitarlyq-tehnikalyq kolledjinde 68 adam «Rezina tehnikalyq buiymdar» jáne «Shina óndirisi» mamandyǵyn igerýdi bastady.
Al qurylysy eki jyldan keiin aiaqtalýǵa tiis «Silk Road Electronics» zaýyty jyl saiyn teledidar, elektr sýjylytqysh, shańsorǵysh, asúi plitasy men jeldetkish sekildi turmystyq tehnikalardy shyǵarady.
Zaýyttyń bolashaq ónimderi qoiylǵan shaǵyn kórmeni aralap shyqqannan keiin Memleket basshysy zaýyt basshylyǵymen áńgimelesti.
