پرەزيدەنت قاراعاندى وبلىسىنا جۇمىس ساپارى بارىسىندا تۇرمىستىق تەحنيكا شىعاراتىن «Silk Road Electronics» جەنە كٶلٸك دٶڭگەلەگٸن شىعاراتىن «KamaTyresKZ» زاۋىتتارىنىڭ جەنە ٶنٸم تٷرلەرٸمەن تانىستى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
«KamaTyresKZ» دٶڭگەلەك زاۋىتىن بيىل جىل سوڭىنا دەيٸن ٸسكە قوسۋ جوسپارلانعان. كەسٸپورىن باستاپقى كەزدە جەڭٸل جەنە جەڭٸل جٷك كٶلٸكتەرٸنە ارنالعان دٶڭگەلەكتەر شىعارادى. كەيٸن جوبانىڭ ەكٸنشٸ كەزەڭٸندە ترانسپورتەر, كونۆەيەر لەنتاسى سيياقتى رەزيناتەحنيكالىق بۇيىمدار, ال ٷشٸنشٸ كەزەڭٸندە اۋىل شارۋاشىلىعى تەحنيكاسى دٶڭگەلەكتەرٸن ٶندٸرە باستايدى. زاۋىتتىڭ جوبالىق قۋاتى جىلىنا 3,5 ميلليون دٶڭگەلەك شىعارۋعا ەسەپتەلگەن.
قازٸرگٸ كەزدە زاۋىت سەرٸكتەستەرٸمەن بٸرلەسٸپ, ٶزٸنە قاجەتتٸ مامانداردى دايارلاۋعا كٸرٸسكەن. ساران گۋمانيتارلىق-تەحنيكالىق كوللەدجٸندە 68 ادام «رەزينا تەحنيكالىق بۇيىمدار» جەنە «شينا ٶندٸرٸسٸ» ماماندىعىن يگەرۋدٸ باستادى.
ال قۇرىلىسى ەكٸ جىلدان كەيٸن اياقتالۋعا تيٸس «Silk Road Electronics» زاۋىتى جىل سايىن تەلەديدار, ەلەكتر سۋجىلىتقىش, شاڭسورعىش, اسٷي پليتاسى مەن جەلدەتكٸش سەكٸلدٸ تۇرمىستىق تەحنيكالاردى شىعارادى.
زاۋىتتىڭ بولاشاق ٶنٸمدەرٸ قويىلعان شاعىن كٶرمەنٸ ارالاپ شىققاننان كەيٸن مەملەكەت باسشىسى زاۋىت باسشىلىعىمەن ەڭگٸمەلەستٸ.
