Memleket basshysy Qasym-Jomart Toqaev volonterlerdi qoldaý tetikteri – «Volonterler jylynyń» aiaqtalýymen birge umytylmaýy kerektigin eskertti, dep habarlaidy "Ult aqparat".
«Ekologiialyq máselelermen qatar ekologiialyq týrizmdi belsendi túrde damytý kerek. Sonyń ishinde erekshe qorǵalatyn aýmaqta da. Ulttyq jáne memlekettik parkterdi damytý boiynsha josparlardyń talqylanýyna qoǵam ókilderin shaqyrý tájiribesin engizý kerek», - dedi Prezident Ulttyq qoǵamdyq senim keńesiniń otyrysynda.
Memleket basshysynyń aitýynsha, ekologiialyq máselelerdiń kún tártibinde volonterler erekshe mańyzdy rólge ie.
«Meniń bastamammen jariialanǵan biylǵy «Volonterler jyly» Qazaqstanda eriktilerdiń qozǵalysy qanshalyqty qarqyndy túrde damyp kele jatqanyn kórsetti. Volonterlik – kóptegen adamdar úshin ómir saltyna ainaldy. Shynynda da muqtaj adamdar kómek aldy. Bul baǵyttaǵy jumys Volonterler jyly aiaqtalǵannan keiin támamdalyp qalmaýy kerektigin eskertemin. Volonterlik jobalardy júzege asyrýdy ary qarai jalǵastyrý jáne ártúrli ekologiialyq máselelerdiń sheshimi úshin eriktilerdi tartý mindetin tapsyramyn», - dedi Prezident.
