Memleket basshysy Úkimettik komissiiaǵa ushaq apatynda zardap shekken shetel azamattaryna qajetti meditsinalyq jáne psihologiialyq turǵydan tolyq kómek berýdi, qaitys bolǵan Qazaqstan azamattarynyń týǵan-týystaryna airyqsha qamqorlyq kórsetýdi tapsyrdy.
"Úkimettik komissiia men Bas prokýratýraǵa basqa quzyretti organdarmen birlesip, ushaq apatyna jan-jaqty ári obektivti tergeý júrgizý mindeti júkteldi" delingen habarlamada.
Prezidenttiń pikirinshe, bul rette aqparattyq arandatý men feikke jol bermeý mańyzdy. Budan bólek, Qasym-Jomart Toqaev elimizdegi aviatsiialyq qaýipsizdiktiń jai-kúiin muqiiat tekserý qajet ekenin málimdedi.
Keńes barysynda Úkimettik komissiia tóraǵasy, Premer-Ministrdiń orynbasary Qanat Bozymbaev, Bas prokýror Berik Asylov, Ulttyq qaýipsizdik komitetiniń tóraǵasy Ermek Saǵymbaev, Ishki ister ministri Erjan Sádenov jáne Densaýlyq saqtaý ministri Aqmaral Álnazarova baiandama jasady.
