Qazaqstan Prezidentiniń Almatydaǵy rezidentsiiasynda ótken kezdesý barysynda Qazaqstan ǵylymyn damytýǵa, otandyq ázirlemelerdi óndiriske engizýge, sondai-aq, ǵylymi zertteýlerdiń ekonomikalyq turǵydan maqsatqa sáikestigine qatysty máseleler talqylandy, dep habarlaidy "Ult aqparat" Aqordaǵa silteme jasap.
Ulttyq ǵylym akademiiasynyń prezidenti Memleket basshysynyń adami kapitaldy qoldaýǵa, bilim men ǵylym salasyna investitsiia tartýǵa, ekonomikanyń tehnologiialyq jáne básekege qabilettilik múmkindigin arttyrýǵa bailanysty Joldaýda aitqan bastamalaryn qoldaitynyn jetkizdi.
Qasym-Jomart Toqaev otandyq iri óndirýshilerdiń jumystaryna ǵylymi qoldaý kórsetýdiń mańyzdylyǵyn atap ótti. Onyń pikirinshe, ǵalymdar men biznes ókilderiniń tyǵyz yqpaldastyǵy innovatsiialardy engizip, ekonomikalyq ósimdi qamtamasyz etý úshin jańa múmkindikterge jol ashady. Jalpy ǵylym elimizdiń ekonomikasyna qyzmet etýge tiis.
