Tarihi otanyma eńbek sińiremin degen ár talantty qazaqty elge jeke shaqyramyn. Búgin elordadaǵy Táýelsizdik saraiynda ótken Dúniejúzi qazaqtarynyń V quryltaiynda Qazaqstan Prezidenti Nursultan Nazarbaev osylai dedi, dep habarlaidy QazAqparat.
"Kez kelgen memleket kásibi jańashyl mamandarǵa muqtaj. Tarihi Otanyma eńbek sińiremin, onyń damýyna úles qosamyn degen ár talantty qazaqty elge jeke shaqyramyn. Men bilemin, jeke tizimi de bar, shetelde jeke kezdesýim de bar. Kezinde jaǵdaisyz kóship ketken. Ǵalym bolyp, zerthanalarda jumys istep júrgen azamattarymyz bar. Menińshe, olardyń elge keletin yntasy bar", - dedi Memleket basshysy.
QR Prezidenti sol azamattardy elge shaqyryp, eńbek etýge jaǵdai jasaý qajettigin basa aitty.
"Úkimet osyndai azamattardy elge tartyp, mamandyǵyna, múmkindigine qarai jaǵdai jasaýdyń tetikterin qarastyrsyn. Biraq keide shaqyramyz, keledi. Anda júredi, mynda júredi, eshqaida qabyldanbai qaityp ketedi. El basqaryp otyrǵan azamattarǵa, ministrlerge osyny (mundai jaǵdaiǵa jol bermeýdi - red.) tapsyramyn", - dedi Elbasy.
.jpeg)