Memleket basshysy Ózbekstan Respýblikasy Prezidentiniń mindetin ýaqytsha atqarýshy Shavkat Mirziiaevpen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda Qazaqstan Prezidenti taǵy da Islam Karimovtiń ózbek memleketin, elderimizdiń arasyndaǵy ózara qarym-qatynasty damytýǵa qosqan biregei úlesin atap ótti.
– Tarihymyz, dinimiz, mádenietimiz bir bolǵandyqtan, onyń búkil qairatkerligi bizdiń halyqtarymyz arasyndaǵy dostyqty nyǵaita túsýge qyzmet etti. Osy qundylyqtardy saqtai bilý óte mańyzdy. Ekijaqty kezdesýler barysynda da, halyqaralyq uiymdar jumysy aiasynda da biz kez kelgen máselege qatysty ózara tiimdi sheshim taba bildik. Baýyrlastyq bailanysymyzdy budan ári de nyǵaita berý kerek, – dedi Memleket basshysy.
Sonymen qatar, Nursultan Nazarbaev pen Shavkat Mirziiaev ekijaqty qarym-qatynastyń meilinshe ózekti máseleleri, óńirlik jáne halyqaralyq kún tártibindegi negizgi taqyryptar jóninde pikir almasty.
Ult portaly
