Memleket basshysy Qasym-Jomart Toqaev Túrkistan oblysy Myrzakent aýylyndaǵy jańa yqshamaýdannyń qurylysymen tanysyp, turǵyndarymen kezdesti, dep habarlaidy "Ult aqparat".
Prezident Sardoba sý qoimasyndaǵy apattan zardap shekken turǵyndarmen de kezdesti. Qasym-Jomart Toqaev apat aimaǵyna elimizdiń ár túkpirinen mamandardyń kelip jumys istegenin aitty.
«Jumys nátijesi jaqsy. Qurylys aýmaǵyn qarap shyqtyq. Eń basty aita keterligi, adam shyǵyny bolǵan joq. Qalǵan máselelerdi qolymyzdan kelgeninshe sheshemiz. Eshqandai da tosqaýyl bolmaidy. Osy múmkindikti paidalanyp qutqarýshylarǵa, dárigerlerge rizashylyǵymdy bildirgim keledi. Jańa qonystaryńyz qutty bolsyn», - dedi Memleket basshysy turǵyndarmen kezdesýde.
Aita keteiik, Memleket basshysy búgin jumys saparymen Túrkistan oblysyna bardy.
Jumys sapary barysynda QR Prezidenti Túrkistandaǵy Qoja Ahmet Iasaýi kesenesin aralap, kúmbezdiń tarihi kelbetin saqtai otyryp júrgizilgen jańartý jumystarynyń nátijelerimen tanysty.
