مەملەكەت باسشىسى قاسىم-جومارت توقاەۆ تٷركٸستان وبلىسى مىرزاكەنت اۋىلىنداعى جاڭا ىقشاماۋداننىڭ قۇرىلىسىمەن تانىسىپ, تۇرعىندارىمەن كەزدەستٸ, دەپ حابارلايدى "ۇلت اقپارات".
پرەزيدەنت ساردوبا سۋ قويماسىنداعى اپاتتان زارداپ شەككەن تۇرعىندارمەن دە كەزدەستٸ. قاسىم-جومارت توقاەۆ اپات ايماعىنا ەلٸمٸزدٸڭ ەر تٷكپٸرٸنەن مامانداردىڭ كەلٸپ جۇمىس ٸستەگەنٸن ايتتى.
«جۇمىس نەتيجەسٸ جاقسى. قۇرىلىس اۋماعىن قاراپ شىقتىق. ەڭ باستى ايتا كەتەرلٸگٸ, ادام شىعىنى بولعان جوق. قالعان مەسەلەلەردٸ قولىمىزدان كەلگەنٸنشە شەشەمٸز. ەشقانداي دا توسقاۋىل بولمايدى. وسى مٷمكٸندٸكتٸ پايدالانىپ قۇتقارۋشىلارعا, دەرٸگەرلەرگە ريزاشىلىعىمدى بٸلدٸرگٸم كەلەدٸ. جاڭا قونىستارىڭىز قۇتتى بولسىن», - دەدٸ مەملەكەت باسشىسى تۇرعىندارمەن كەزدەسۋدە.
ايتا كەتەيٸك, مەملەكەت باسشىسى بٷگٸن جۇمىس ساپارىمەن تٷركٸستان وبلىسىنا باردى.
جۇمىس ساپارى بارىسىندا قر پرەزيدەنتٸ تٷركٸستانداعى قوجا احمەت ياساۋي كەسەنەسٸن ارالاپ, كٷمبەزدٸڭ تاريحي كەلبەتٸن ساقتاي وتىرىپ جٷرگٸزٸلگەن جاڭارتۋ جۇمىستارىنىڭ نەتيجەلەرٸمەن تانىستى.
