Memleket basshysy Pákistan Premer-ministri Shahbaz Sharifpen kezdesti, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaev Shahbaz Sharifke iltipat bildire otyryp, jýyrda Pákistanda bolǵan joiqyn sý tasqyny saldarynan kóptegen adamnyń qaza bolýyna jáne onyń elge aitarlyqtai zardabyn tigizýine bailanysty taǵy da kóńil aitty. Memleket basshysy Qazaqstannyń dostas Pákistan halqyna shynaiy tileýlestiginiń belgisi retinde tabiǵi apattan zardap shekkenderge gýmanitarlyq kómek kórsetkenin jáne bul eldi aldaǵy ýaqytta da qoldaýǵa daiyn ekenin naqtylady.
Memleket basshysy eki el berik seriktestik pen mazmundy saiasi dialog ornatyp, saýda-ekonomikalyq jáne kólik-logistikalyq bailanystardy nyǵaitý úshin belsendi jumys istep jatqanyna toqtaldy.
Óz kezeginde Shahbaz Sharif qiyn-qystaý jaǵdaida eline qoldaý kórsetkeni úshin Qazaqstan Prezidentine zor rizashylyǵyn bildirdi. Pákistan Premer-ministri joiqyn sý tasqyny klimattyń ózgerýi saldarynan bolyp otyrǵanyn aitty.
Ol Qazaqstan men Pákistan arasyndaǵy kópjaqty yntymaqtastyqty nyǵaitýǵa daiyn ekenin, sondai-aq eki eldiń saýda-ekonomikalyq seriktestigin arttyrýǵa yqpal etetinin jetkizdi.
Sonymen qatar kezdesýde óńirlik qaýipsizdikti qamtamasyz etý máseleleri kóterildi.
