مەملەكەت باسشىسى پەكٸستان پرەمەر-مينيسترٸ شاحباز شاريفپەن كەزدەستٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆ شاحباز شاريفكە ٸلتيپات بٸلدٸرە وتىرىپ, جۋىردا پەكٸستاندا بولعان جويقىن سۋ تاسقىنى سالدارىنان كٶپتەگەن ادامنىڭ قازا بولۋىنا جەنە ونىڭ ەلگە ايتارلىقتاي زاردابىن تيگٸزۋٸنە بايلانىستى تاعى دا كٶڭٸل ايتتى. مەملەكەت باسشىسى قازاقستاننىڭ دوستاس پەكٸستان حالقىنا شىنايى تٸلەۋلەستٸگٸنٸڭ بەلگٸسٸ رەتٸندە تابيعي اپاتتان زارداپ شەككەندەرگە گۋمانيتارلىق كٶمەك كٶرسەتكەنٸن جەنە بۇل ەلدٸ الداعى ۋاقىتتا دا قولداۋعا دايىن ەكەنٸن ناقتىلادى.
مەملەكەت باسشىسى ەكٸ ەل بەرٸك سەرٸكتەستٸك پەن مازمۇندى ساياسي ديالوگ ورناتىپ, ساۋدا-ەكونوميكالىق جەنە كٶلٸك-لوگيستيكالىق بايلانىستاردى نىعايتۋ ٷشٸن بەلسەندٸ جۇمىس ٸستەپ جاتقانىنا توقتالدى.
ٶز كەزەگٸندە شاحباز شاريف قيىن-قىستاۋ جاعدايدا ەلٸنە قولداۋ كٶرسەتكەنٸ ٷشٸن قازاقستان پرەزيدەنتٸنە زور ريزاشىلىعىن بٸلدٸردٸ. پەكٸستان پرەمەر-مينيسترٸ جويقىن سۋ تاسقىنى كليماتتىڭ ٶزگەرۋٸ سالدارىنان بولىپ وتىرعانىن ايتتى.
ول قازاقستان مەن پەكٸستان اراسىنداعى كٶپجاقتى ىنتىماقتاستىقتى نىعايتۋعا دايىن ەكەنٸن, سونداي-اق ەكٸ ەلدٸڭ ساۋدا-ەكونوميكالىق سەرٸكتەستٸگٸن ارتتىرۋعا ىقپال ەتەتٸنٸن جەتكٸزدٸ.
سونىمەن قاتار كەزدەسۋدە ٶڭٸرلٸك قاۋٸپسٸزدٸكتٸ قامتاماسىز ەتۋ مەسەلەلەرٸ كٶتەرٸلدٸ.
