Foto: Aqorda
Memleket basshysy 5 tamyz kúni elimizge issaparmen kelgen Ózbekstan Prezidentiniń kómekshisi Saida Mirziioevany qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda eki el arasyndaǵy kópjaqty seriktestikti odan ári ilgeriletýge qatysty ózekti máseleler talqylandy.
Qasym-Jomart Toqaev Qazaqstan men Ózbekstannyń odaqtastyq ári strategiialyq sipattaǵy qarym-qatynasyn atap ótip, joǵary deńgeidegi saiasi dialogtyń tiimdiligin arttyra túsý úshin eki el prezidentteriniń ákimshilikteri arasyndaǵy tyǵyz bailanysty jolǵa qoiý mańyzdy ekenine nazar aýdardy.
Kezdesýde aqparattyq-ideologiialyq, mádeni-gýmanitarlyq, bilim berý jáne jastar saiasaty salalaryndaǵy ózara tiimdi yntymaqtastyqty nyǵaitý máselesine airyqsha mán berildi.
Prezident Astanada halyqaralyq «Zakovat» intellektýaldyq oiynynyń ótkizilýine qoldaý bildirip, mundai is-sharalar halyqtarymyzdyń arasyn jaqyndata túsetinin atap ótti.
