Memleket basshysy Qasym-Jomart Toqaev Máskeýdegi terraktke qatysty málimdeme jasady dep habarlaidy "Ult Aqparat".
«Qazaqstan Máskeýdegi beibit azamattarǵa qarsy terroristik aktini qatań aiyptaidy», – dep málimdedi Prezident Qasym-Jomart Toqaev.
"Memleket basshysy terrorizmdi múlde aqtaýǵa bolmaidy dep sanaidy. Ol BUU-ǵa múshe memleketterdi jazyqsyz azamattarǵa qarsy zorlyq-zombylyqtyń bul túrine biraýyzdan qarsylyq tanytýǵa shaqyrdy.
Prezidenttiń tapsyrmasy boiynsha, qajet bolǵan jaǵdaida, Qazaqstannyń quqyq qorǵaý organdary reseilik áriptesterine kómek kórsetedi.
Sonymen qatar Qazaqstan Prezidenti lańkestik áreket kezinde azamattardyń qaza tabýyna bailanysty Resei Prezidenti Vladimir Pýtinge kóńil aitty" delingen Aqordanyń telegramm arnasynda.
