Prezident Qarjy naryǵyn retteý jáne damytý agenttiginiń Tóraǵasy Mádina Ábilqasymovany qabyldady, dep habarlaidy Aqorda.
Memleket basshysyna Qazaqstan qarjy naryǵynyń byltyrǵy damý qorytyndylary jáne Agenttiktiń biylǵy jylǵa arnalǵan jumysynyń negizgi basymdyqtary týraly baiandaldy.
Qasym-Jomart Toqaevqa 2020 jyldyń qorytyndysy boiynsha ekonomikany kreditteýdiń 5,5 paiyzǵa ulǵaiyp, 14,6 trillion teńgege jetkeni jaiynda aityldy. Daǵdarysqa qaramastan, shaǵyn jáne orta bizneske beriletin kreditter, onyń ishinde, bizneske qoldaý kórsetýdiń memlekettik baǵdarlamalaryn keńeitý arqyly 7,1 paiyzǵa, iaǵni 4,2 trillion teńgege deiin ósken. Prezidenttiń tapsyrmasy boiynsha ekonomikanyń zardap shekken sektorlaryndaǵy shaǵyn jáne orta biznestiń barlyq kreditterin jylyna 6 paiyzǵa deiin sýbsidiialaý tetigi iske asyryldy.
Mádina Ábilqasymova biylǵy 1 qańtardan bastap barlyq mikroqarjylyq uiymdardyń, onyń ishinde, lombardtar men onlain-kreditteý kompaniialarynyń qyzmetin litsenziialaý engizilgeni týraly habarlady. Bul olardyń esep berýin, ashyqtyǵyn jáne jaýapkershiligin qamtamasyz etýge múmkindik beredi.
Memleket basshysynyń tapsyrmasy boiynsha halyqtyń boryshtyq júktemesin azaitý jónindegi retteý sharalary qabyldandy. Sonyń arqasynda tutynýshylyq kredittiń ósýi azaidy. Biyl qaryz alýshy jeke tulǵalardy ońaltý jáne kreditter boiynsha syiaqynyń shekti mólsherlemelerin retteý tetikteri engiziledi, qaryzyn qaitarmaityn adamdarǵa qatysty retteý qyzmetiniń sotqa deiingi tártibi kúsheitiledi.
2021 jyldan bastap azamattarǵa zeinetaqy aktivteriniń bir bóligin jeke basqarýshy kompaniialardyń basqarýyna berý, al bankterge brokerlik qyzmetterdiń tolyq spektri boiynsha qyzmet kórsetý múmkindigi berildi. Bul óz kezeginde halyqtyń investitsiialyq múmkindigin arttyrady. Saqtandyrý jáne qor naryǵyn odan ári damytý maqsatynda keshendi zań jobasy ázirlendi.
Qasym-Jomart Toqaev bank sektorynyń turaqtylyǵyn qamtamasyz etýge erekshe mán berdi. Agenttik Tóraǵasy jekelegen bankterdiń jumysyn qaita jandandyrý jóninde qabyldanǵan sharalar jáne AQR nátijeleri boiynsha qadaǵalaý josparlaryn iske asyrý týraly aitty. 2020 jyly bank júiesi boiynsha boryshkerlik deńgeii 8,1 paiyzdan 6,8 paiyzǵa deiin tómendedi. Táýekelge baǵdarlanǵan qadaǵalaý aiasynda 2021 jyldan bastap bank sektory aktivteriniń sapasyn baǵalaý (AQR) jáne stress-testten ótkizý qadaǵalaý protsesiniń ajyramas bóligi bolady.
Kezdesý qorytyndysy boiynsha Qasym-Jomart Toqaev Agenttikke qarjylyq turaqtylyqty qamtamasyz etýdi, qarjy naryǵynyń barlyq sektorynda táýekelge baǵdarlanǵan qadaǵalaý júiesin engizýdi, qarjylyq qyzmet kórsetý barysynda tutynýshylardyń quqyqtaryn qorǵaýdy, sondai-aq, qor naryǵyn damytýdy mindettedi.
Memleket basshysy daǵdarys saldarlaryn eńserý úshin ekonomikany kreditteýdiń mańyzdylyǵyna nazar aýdardy.
