پرەزيدەنت قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆانى قابىلدادى, دەپ حابارلايدى اقوردا.
مەملەكەت باسشىسىنا قازاقستان قارجى نارىعىنىڭ بىلتىرعى دامۋ قورىتىندىلارى جەنە اگەنتتٸكتٸڭ بيىلعى جىلعا ارنالعان جۇمىسىنىڭ نەگٸزگٸ باسىمدىقتارى تۋرالى باياندالدى.
قاسىم-جومارت توقاەۆقا 2020 جىلدىڭ قورىتىندىسى بويىنشا ەكونوميكانى كرەديتتەۋدٸڭ 5,5 پايىزعا ۇلعايىپ, 14,6 تريلليون تەڭگەگە جەتكەنٸ جايىندا ايتىلدى. داعدارىسقا قاراماستان, شاعىن جەنە ورتا بيزنەسكە بەرٸلەتٸن كرەديتتەر, ونىڭ ٸشٸندە, بيزنەسكە قولداۋ كٶرسەتۋدٸڭ مەملەكەتتٸك باعدارلامالارىن كەڭەيتۋ ارقىلى 7,1 پايىزعا, ياعني 4,2 تريلليون تەڭگەگە دەيٸن ٶسكەن. پرەزيدەنتتٸڭ تاپسىرماسى بويىنشا ەكونوميكانىڭ زارداپ شەككەن سەكتورلارىنداعى شاعىن جەنە ورتا بيزنەستٸڭ بارلىق كرەديتتەرٸن جىلىنا 6 پايىزعا دەيٸن سۋبسيدييالاۋ تەتٸگٸ ٸسكە اسىرىلدى.
مەدينا ەبٸلقاسىموۆا بيىلعى 1 قاڭتاردان باستاپ بارلىق ميكروقارجىلىق ۇيىمداردىڭ, ونىڭ ٸشٸندە, لومباردتار مەن ونلاين-كرەديتتەۋ كومپانييالارىنىڭ قىزمەتٸن ليتسەنزييالاۋ ەنگٸزٸلگەنٸ تۋرالى حابارلادى. بۇل ولاردىڭ ەسەپ بەرۋٸن, اشىقتىعىن جەنە جاۋاپكەرشٸلٸگٸن قامتاماسىز ەتۋگە مٷمكٸندٸك بەرەدٸ.
مەملەكەت باسشىسىنىڭ تاپسىرماسى بويىنشا حالىقتىڭ بورىشتىق جٷكتەمەسٸن ازايتۋ جٶنٸندەگٸ رەتتەۋ شارالارى قابىلداندى. سونىڭ ارقاسىندا تۇتىنۋشىلىق كرەديتتٸڭ ٶسۋٸ ازايدى. بيىل قارىز الۋشى جەكە تۇلعالاردى وڭالتۋ جەنە كرەديتتەر بويىنشا سىياقىنىڭ شەكتٸ مٶلشەرلەمەلەرٸن رەتتەۋ تەتٸكتەرٸ ەنگٸزٸلەدٸ, قارىزىن قايتارمايتىن ادامدارعا قاتىستى رەتتەۋ قىزمەتٸنٸڭ سوتقا دەيٸنگٸ تەرتٸبٸ كٷشەيتٸلەدٸ.
2021 جىلدان باستاپ ازاماتتارعا زەينەتاقى اكتيۆتەرٸنٸڭ بٸر بٶلٸگٸن جەكە باسقارۋشى كومپانييالاردىڭ باسقارۋىنا بەرۋ, ال بانكتەرگە بروكەرلٸك قىزمەتتەردٸڭ تولىق سپەكترٸ بويىنشا قىزمەت كٶرسەتۋ مٷمكٸندٸگٸ بەرٸلدٸ. بۇل ٶز كەزەگٸندە حالىقتىڭ ينۆەستيتسييالىق مٷمكٸندٸگٸن ارتتىرادى. ساقتاندىرۋ جەنە قور نارىعىن ودان ەرٸ دامىتۋ ماقساتىندا كەشەندٸ زاڭ جوباسى ەزٸرلەندٸ.
قاسىم-جومارت توقاەۆ بانك سەكتورىنىڭ تۇراقتىلىعىن قامتاماسىز ەتۋگە ەرەكشە مەن بەردٸ. اگەنتتٸك تٶراعاسى جەكەلەگەن بانكتەردٸڭ جۇمىسىن قايتا جانداندىرۋ جٶنٸندە قابىلدانعان شارالار جەنە AQR نەتيجەلەرٸ بويىنشا قاداعالاۋ جوسپارلارىن ٸسكە اسىرۋ تۋرالى ايتتى. 2020 جىلى بانك جٷيەسٸ بويىنشا بورىشكەرلٸك دەڭگەيٸ 8,1 پايىزدان 6,8 پايىزعا دەيٸن تٶمەندەدٸ. تەۋەكەلگە باعدارلانعان قاداعالاۋ اياسىندا 2021 جىلدان باستاپ بانك سەكتورى اكتيۆتەرٸنٸڭ ساپاسىن باعالاۋ (AQR) جەنە سترەسس-تەستتەن ٶتكٸزۋ قاداعالاۋ پروتسەسٸنٸڭ اجىراماس بٶلٸگٸ بولادى.
كەزدەسۋ قورىتىندىسى بويىنشا قاسىم-جومارت توقاەۆ اگەنتتٸككە قارجىلىق تۇراقتىلىقتى قامتاماسىز ەتۋدٸ, قارجى نارىعىنىڭ بارلىق سەكتورىندا تەۋەكەلگە باعدارلانعان قاداعالاۋ جٷيەسٸن ەنگٸزۋدٸ, قارجىلىق قىزمەت كٶرسەتۋ بارىسىندا تۇتىنۋشىلاردىڭ قۇقىقتارىن قورعاۋدى, سونداي-اق, قور نارىعىن دامىتۋدى مٸندەتتەدٸ.
مەملەكەت باسشىسى داعدارىس سالدارلارىن ەڭسەرۋ ٷشٸن ەكونوميكانى كرەديتتەۋدٸڭ ماڭىزدىلىعىنا نازار اۋداردى.
