Memleket basshysy Qasym-Jomart Toqaev Qyrǵyz Respýblikasynyń Prezidenti Sadyr Japarovpen telefon arqyly sóilesti, dep habarlaidy Aqorda.
Qyrǵyz tarapynyń bastamasymen Qasym-Jomart Toqaev Qyrǵyzstan Prezidenti Sadyr Japarovpen telefon arqyly sóilesti. Memleket basshysy ulyqtaý rásiminiń sátti ótkenin atap ótip, Sadyr Japarovty Qyrǵyz Respýblikasynyń Prezidenti bolyp sailanýymen taǵy bir márte quttyqtap, baýyrlas qyrǵyz halqynyń órkendeýi men igiligi jolyndaǵy jaýapty qyzmetine sáttilik tiledi.
Taraptar dostyqqa, tatý kórshilikke jáne strategiialyq áriptestikke qurylǵan qazaq-qyrǵyz qatynastarynyń beriktigin naqtylap, ekijaqty yqpaldastyqty jańa deńgeige kóterý maqsatynda birlesip belsendi jumys isteýge daiyn ekenderin rastady. Sadyr Japarov Qazaqstan Prezidentiniń izgi tilegine alǵys aityp, qyzmetke kirisýine orai Elbasy Nursultan Nazarbaevtyń quttyqtaý hat jibergeni úshin rizashylyǵyn bildirdi.
Áńgimelesý barysynda aldaǵy ýaqyttaǵy joǵary deńgeidegi kezdesýlerdiń kestesi, onyń ishinde, qyrǵyz kóshbasshysynyń Qazaqstanǵa sapary talqylandy.
