مەملەكەت باسشىسى قاسىم-جومارت توقاەۆ قىرعىز رەسپۋبليكاسىنىڭ پرەزيدەنتٸ سادىر جاپاروۆپەن تەلەفون ارقىلى سٶيلەستٸ, دەپ حابارلايدى اقوردا.
قىرعىز تاراپىنىڭ باستاماسىمەن قاسىم-جومارت توقاەۆ قىرعىزستان پرەزيدەنتٸ سادىر جاپاروۆپەن تەلەفون ارقىلى سٶيلەستٸ. مەملەكەت باسشىسى ۇلىقتاۋ رەسٸمٸنٸڭ سەتتٸ ٶتكەنٸن اتاپ ٶتٸپ, سادىر جاپاروۆتى قىرعىز رەسپۋبليكاسىنىڭ پرەزيدەنتٸ بولىپ سايلانۋىمەن تاعى بٸر مەرتە قۇتتىقتاپ, باۋىرلاس قىرعىز حالقىنىڭ ٶركەندەۋٸ مەن يگٸلٸگٸ جولىنداعى جاۋاپتى قىزمەتٸنە سەتتٸلٸك تٸلەدٸ.
تاراپتار دوستىققا, تاتۋ كٶرشٸلٸككە جەنە ستراتەگييالىق ەرٸپتەستٸككە قۇرىلعان قازاق-قىرعىز قاتىناستارىنىڭ بەرٸكتٸگٸن ناقتىلاپ, ەكٸجاقتى ىقپالداستىقتى جاڭا دەڭگەيگە كٶتەرۋ ماقساتىندا بٸرلەسٸپ بەلسەندٸ جۇمىس ٸستەۋگە دايىن ەكەندەرٸن راستادى. سادىر جاپاروۆ قازاقستان پرەزيدەنتٸنٸڭ ٸزگٸ تٸلەگٸنە العىس ايتىپ, قىزمەتكە كٸرٸسۋٸنە وراي ەلباسى نۇرسۇلتان نازارباەۆتىڭ قۇتتىقتاۋ حات جٸبەرگەنٸ ٷشٸن ريزاشىلىعىن بٸلدٸردٸ.
ەڭگٸمەلەسۋ بارىسىندا الداعى ۋاقىتتاعى جوعارى دەڭگەيدەگٸ كەزدەسۋلەردٸڭ كەستەسٸ, ونىڭ ٸشٸندە, قىرعىز كٶشباسشىسىنىڭ قازاقستانعا ساپارى تالقىلاندى.
