Memleket basshysy Nursultan Nazarbaev Qostanaidaǵy jumys sapary barysynda aýyl sharýashylyǵy taýar óndirýshilerimen kezdesti, dep habarlaidy QazAqparat tilshisi.
Prezident onda «Milh» sút óńdeý zaýytynyń jumysymen tanysty. Bul seriktestik jaqynda quny 2 mlrd teńge bolatyn sút ónimderin shyǵaratyn jańa tsehty iske qosty. Sondai-aq, Elbasy óz sózinde qostanailyq diqandarǵa alǵysyn bildirdi.
«Biylǵy qubylmaly aýa-raiyna qaramastan mol astyq bastyrdyńyzdar. Kórsetkishterińiz kóńil qýantady. Biraq, oblysta ǵylymi ortalyqtar jetispeidi. Bidaidyń sapasyn áli de arttyrý kerek. Astyq surypyn ǵylymi jaǵynan zertteý qajettiligi týyndaidy. Bolashaqta muny eskerińizder!» - dep tapsyrdy Prezident.
Nursultan Nazarbaev seriktestik jumysyn ári qarai damytýdy júktep, bolashaqta olardyń álemdik naryqqa shyǵa alatyndai bolýy kerektigin aitty.
«Kásiporyn óndirisin keńeitý týraly byltyrdan beri aitylyp kele jatty. Kózdegen maqsatqa biyl qol jetkizdik. Óndiris qýattylyǵy 30 myń tonnaǵa jetip otyr. Bizdiń ónim negizgi básekelesterimizdikinen kem túspeidi dep nyq senimmen aita alamyn», - dedi «Milh» JShS basshysy Sergei Blok.
«Milh» JShS Qostanai oblysyndaǵy sút ónimderin daiyndaityn zamanaýi iri kásiporyndardyń biri sanalady. Kásiporyn alǵashqy ónimin 1997 jyly shyǵarǵan. Firma otandyq jáne halyqaralyq sapa baiqaýynda birneshe márte marapattalǵan. Ústimizdegi jyly «Milh» seriktestigi sút ónimderin saqtaý qoimasy men balmuzdaq óndirisi tsehyn ashty. Tartylǵan investitsiia kólemi - 1,3 mlrd teńge.
.jpeg)