مەملەكەت باسشىسى نۇرسۇلتان نازارباەۆ قوستانايداعى جۇمىس ساپارى بارىسىندا اۋىل شارۋاشىلىعى تاۋار ٶندٸرۋشٸلەرٸمەن كەزدەستٸ, دەپ حابارلايدى قازاقپارات تٸلشٸسٸ.
پرەزيدەنت وندا «ميلح» سٷت ٶڭدەۋ زاۋىتىنىڭ جۇمىسىمەن تانىستى. بۇل سەرٸكتەستٸك جاقىندا قۇنى 2 ملرد تەڭگە بولاتىن سٷت ٶنٸمدەرٸن شىعاراتىن جاڭا تسەحتى ٸسكە قوستى. سونداي-اق, ەلباسى ٶز سٶزٸندە قوستانايلىق ديقاندارعا العىسىن بٸلدٸردٸ.
«بيىلعى قۇبىلمالى اۋا-رايىنا قاراماستان مول استىق باستىردىڭىزدار. كٶرسەتكٸشتەرٸڭٸز كٶڭٸل قۋانتادى. بٸراق, وبلىستا عىلىمي ورتالىقتار جەتٸسپەيدٸ. بيدايدىڭ ساپاسىن ەلٸ دە ارتتىرۋ كەرەك. استىق سۇرىپىن عىلىمي جاعىنان زەرتتەۋ قاجەتتٸلٸگٸ تۋىندايدى. بولاشاقتا مۇنى ەسكەرٸڭٸزدەر!» - دەپ تاپسىردى پرەزيدەنت.
نۇرسۇلتان نازارباەۆ سەرٸكتەستٸك جۇمىسىن ەرٸ قاراي دامىتۋدى جٷكتەپ, بولاشاقتا ولاردىڭ ەلەمدٸك نارىققا شىعا الاتىنداي بولۋى كەرەكتٸگٸن ايتتى.
«كەسٸپورىن ٶندٸرٸسٸن كەڭەيتۋ تۋرالى بىلتىردان بەرٸ ايتىلىپ كەلە جاتتى. كٶزدەگەن ماقساتقا بيىل قول جەتكٸزدٸك. ٶندٸرٸس قۋاتتىلىعى 30 مىڭ تونناعا جەتٸپ وتىر. بٸزدٸڭ ٶنٸم نەگٸزگٸ بەسەكەلەستەرٸمٸزدٸكٸنەن كەم تٷسپەيدٸ دەپ نىق سەنٸممەن ايتا الامىن», - دەدٸ «ميلح» جشس باسشىسى سەرگەي بلوك.
«ميلح» جشس قوستاناي وبلىسىنداعى سٷت ٶنٸمدەرٸن دايىندايتىن زاماناۋي ٸرٸ كەسٸپورىنداردىڭ بٸرٸ سانالادى. كەسٸپورىن العاشقى ٶنٸمٸن 1997 جىلى شىعارعان. فيرما وتاندىق جەنە حالىقارالىق ساپا بايقاۋىندا بٸرنەشە مەرتە ماراپاتتالعان. ٷستٸمٸزدەگٸ جىلى «ميلح» سەرٸكتەستٸگٸ سٷت ٶنٸمدەرٸن ساقتاۋ قويماسى مەن بالمۇزداق ٶندٸرٸسٸ تسەحىن اشتى. تارتىلعان ينۆەستيتسييا كٶلەمٸ - 1,3 ملرد تەڭگە.
.jpeg)