Foto: Aqorda
Qasym-Jomart Toqaev Qostanai oblysynyń ákimi Qumar Aqsaqalovty qabyldap, óńirdiń áleýmettik-ekonomikalyq damýy men aldaǵy josparlaryn talqylady, dep habarlaidy Ult.kz.
Ákimniń málimetinshe, biylǵy alty aida oblystyń ónerkásip kásiporyndary 1,82 trln teńgeniń ónimin óndirdi. Bul ótken jylmen salystyrǵanda 4,3 paiyzǵa artyq. Sondai-aq jalpy quny 337 mlrd teńge bolatyn 13 iri investitsiialyq joba júzege asýda. Onyń ishinde jylyna 70 myń kólik shyǵaratyn KIA zaýyty men «KamlitKZ» óndirisi bar.
Infraqurylym salasynda Arqalyq áýejaiyn qalpyna keltirý jumystary bastaldy. Oblysta sý taratý júiesine qatysty 54 joba iske asyrylyp, qala halqynyń 99%-y, aýyl turǵyndarynyń 91%-y ortalyq sý júiesine qosylǵan.
Kólik infraqurylymyn damytýǵa 102 mlrd teńge bólindi. Biyl 1300 shaqyrym jolǵa jóndeý jáne rekonstrýktsiia júrgizilýde. Onyń ishinde Jezqazǵan – Petropavl ýchaskesiniń qurylysy aiaqtalýǵa jaqyn.
Prezident óńirde investitsiia kólemin ulǵaitý, ónerkásip pen agrarlyq sektordy damytý, áleýmettik nysandardy jańǵyrtý jáne halyqtyń turmys sapasyn arttyrý qajettigin atap ótti. Sonymen birge jylytý maýsymyna daiyndyqty ýaqytyly aiaqtap, aýyl turǵyndaryn aýyzsýmen qamtamasyz etýge erekshe kóńil bólýdi tapsyrdy.
