فوتو: اقوردا
قاسىم-جومارت توقاەۆ قوستاناي وبلىسىنىڭ ەكٸمٸ قۇمار اقساقالوۆتى قابىلداپ, ٶڭٸردٸڭ ەلەۋمەتتٸك-ەكونوميكالىق دامۋى مەن الداعى جوسپارلارىن تالقىلادى, دەپ حابارلايدى Ult.kz.
ەكٸمنٸڭ مەلٸمەتٸنشە, بيىلعى التى ايدا وبلىستىڭ ٶنەركەسٸپ كەسٸپورىندارى 1,82 ترلن تەڭگەنٸڭ ٶنٸمٸن ٶندٸردٸ. بۇل ٶتكەن جىلمەن سالىستىرعاندا 4,3 پايىزعا ارتىق. سونداي-اق جالپى قۇنى 337 ملرد تەڭگە بولاتىن 13 ٸرٸ ينۆەستيتسييالىق جوبا جٷزەگە اسۋدا. ونىڭ ٸشٸندە جىلىنا 70 مىڭ كٶلٸك شىعاراتىن KIA زاۋىتى مەن «كامليتKZ» ٶندٸرٸسٸ بار.
ينفراقۇرىلىم سالاسىندا ارقالىق ەۋەجايىن قالپىنا كەلتٸرۋ جۇمىستارى باستالدى. وبلىستا سۋ تاراتۋ جٷيەسٸنە قاتىستى 54 جوبا ٸسكە اسىرىلىپ, قالا حالقىنىڭ 99%-ى, اۋىل تۇرعىندارىنىڭ 91%-ى ورتالىق سۋ جٷيەسٸنە قوسىلعان.
كٶلٸك ينفراقۇرىلىمىن دامىتۋعا 102 ملرد تەڭگە بٶلٸندٸ. بيىل 1300 شاقىرىم جولعا جٶندەۋ جەنە رەكونسترۋكتسييا جٷرگٸزٸلۋدە. ونىڭ ٸشٸندە جەزقازعان – پەتروپاۆل ۋچاسكەسٸنٸڭ قۇرىلىسى اياقتالۋعا جاقىن.
پرەزيدەنت ٶڭٸردە ينۆەستيتسييا كٶلەمٸن ۇلعايتۋ, ٶنەركەسٸپ پەن اگرارلىق سەكتوردى دامىتۋ, ەلەۋمەتتٸك نىسانداردى جاڭعىرتۋ جەنە حالىقتىڭ تۇرمىس ساپاسىن ارتتىرۋ قاجەتتٸگٸن اتاپ ٶتتٸ. سونىمەن بٸرگە جىلىتۋ ماۋسىمىنا دايىندىقتى ۋاقىتىلى اياقتاپ, اۋىل تۇرعىندارىن اۋىزسۋمەن قامتاماسىز ەتۋگە ەرەكشە كٶڭٸل بٶلۋدٸ تاپسىردى.
