Memleket basshysy Qorǵanys ministri Sáken Jasuzaqovty qabyldady, dep habarlaidy "Ult aqparat" Aqordaǵa silteme jasap.
Kezdesýde Nursultan Nazarbaevqa elimizdiń qarýly kúshteriniń qazirgi jaǵdaiy jáne ministrliktiń biylǵy jumys josparynyń iske asyrylý barysy jóninde esep berildi.
Qazaqstan Prezidenti áskeri qyzmetshilerdi áleýmettik turǵyda qamtamasyz etý sharalarynyń júzege asyrylýyna erekshe nazar aýdaryp, osy baǵyttaǵy jumystardy jalǵastyrýdyń mańyzdylyǵyn atap ótti.
Qorǵanys ministri Memleket basshysyna eńbekaqyny kóbeitý jóninde sheshim qabyldaǵany úshin áskeri qyzmetshilerdiń rizashylyǵyn jetkizdi.
Budan bólek, Sáken Jasuzaqov Elbasyǵa jaldamaly turǵyn-úi men turǵyn-úi qurylys jinaq júiesiniń tetikterin paidalaný arqyly áskeri qyzmetshilerdiń turǵyn-úi máselesin sheshýge baǵyttalǵan sharalar jóninde málimdedi.
Sondai-aq, Qorǵanys ministri Memleket basshysyna Qazaqstan armiiasyn materialdyq-tehnikalyq turǵyda jabdyqtaý jáne 2017 jyly el jastaryn áskeri-patriottyq rýhta tárbieleý baǵytynda atqarylǵan jumystar jóninde málimet usyndy.
Kezdesý qorytyndysy boiynsha Qazaqstan Prezidenti birqatar naqty tapsyrma berdi.
.jpeg)