QR Prezidenti – Qarýly Kúshterdiń Joǵarǵy Bas qolbasshysy Qasym-Jomart Toqaev Qorǵanys ministri Nurlan Ermekbaevtyń Qazaqstan Qarýly Kúshteriniń negizgi damý baǵyttary jónindegi baiandamasyn tyńdady. Bul týraly Aqorda habarlady.
Bul rette qazirgi áskeri qaqtyǵystardyń tájiribesi sóz boldy.
Kezdesý barysynda Qazaqstan armiiasynyń infraqurylymy men materialdyq-tehnikalyq bazasyn jetildirýdiń perspektivalary jáne áskerdi ushqyshsyz basqarylatyn ushý apparattary men áýe shabýylyna qarsy qorǵanys quraldary siiaqty zamanaýi qarý-jaraq túrlerimen jabdyqtaý máseleleri qarastyryldy.
Sonymen qatar Memleket basshysyna halyqaralyq áskeri yntymaqtastyq pen bitimgershilik is-qimyldardyń ahýaly týraly aqparat berildi.
Qasym-Jomart Toqaevqa áskeri qyzmetshilerdiń turmystyq jáne áleýmettik jaǵdaiyn jaqsartý, olardy sapaly kiim-keshekpen qamtamasyz etý jumystary jóninde baiandaldy.
Joǵarǵy Bas qolbasshy talqylanǵan máselelerdiń ózektiligin eskere otyryp, Qorǵanys ministrliginiń áskeri alqa otyrysyn uiymdastyrýǵa tapsyrma berdi. Jiynda 2020 jylǵy áskeri daiyndyqtyń qorytyndylary jasalyp, aldaǵy kezeńde atqarylatyn mindetter aiqyndalady.
