Foto: Aqorda
Memleket basshysy Qasym-Jomart Toqaev Halyqaralyq shańǵy sporty jáne snoýbord federatsiiasynyń (FIS) prezidenti Iohan Eliashty qabyldady, dep habarlaidy Ult.kz.
Kezdesý barysynda Qazaqstan men Halyqaralyq shańǵy sporty federatsiiasy arasyndaǵy yntymaqtastyqty damytý perspektivasy talqylandy. Memleket basshysy elimizde 85 myńnan astam adam shańǵy sportymen turaqty túrde ainalysatynyn atap ótti. Sondai-aq Qazaqstanda taý shańǵysy men shańǵy jarysyna arnalǵan keshender, halyqaralyq standarttarǵa sai muz arenalary siiaqty zamanaýi sport infraqurylymy bar ekenin aitty.
Qasym-Jomart Toqaev Qazaqstannyń aldaǵy Italiiada ótetin Qysqy Olimpiada oiyndaryna júieli ári tyńǵylyqty daiyndalyp jatqanyn jetkizdi.
Óz kezeginde FIS prezidenti Iohan Eliash elimizde sportty damytýǵa kórsetilip otyrǵan qoldaý úshin Memleket basshysyna alǵys bildirip, qazaqstandyq sportshylardyń halyqaralyq deńgeidegi jarystarda joǵary nátijeler kórsetip júrgenine nazar aýdardy. Sonymen qatar ol Qazaqstanda júzege asyrylyp jatqan áleýmettik-ekonomikalyq reformalardy joǵary baǵalady.
Kezdesý qorytyndysynda taraptar sportshylardy daiarlaý, bapkerlerdi oqytý, tóreshilerdi daiyndaý jáne tájiribe almasý baǵyttaryndaǵy yntymaqtastyqty keńeitý múmkindikterin talqylady.
