فوتو: اقوردا
مەملەكەت باسشىسى قاسىم-جومارت توقاەۆ حالىقارالىق شاڭعى سپورتى جەنە سنوۋبورد فەدەراتسيياسىنىڭ (FIS) پرەزيدەنتٸ يوحان ەلياشتى قابىلدادى, دەپ حابارلايدى Ult.kz.
كەزدەسۋ بارىسىندا قازاقستان مەن حالىقارالىق شاڭعى سپورتى فەدەراتسيياسى اراسىنداعى ىنتىماقتاستىقتى دامىتۋ پەرسپەكتيۆاسى تالقىلاندى. مەملەكەت باسشىسى ەلٸمٸزدە 85 مىڭنان استام ادام شاڭعى سپورتىمەن تۇراقتى تٷردە اينالىساتىنىن اتاپ ٶتتٸ. سونداي-اق قازاقستاندا تاۋ شاڭعىسى مەن شاڭعى جارىسىنا ارنالعان كەشەندەر, حالىقارالىق ستاندارتتارعا ساي مۇز ارەنالارى سيياقتى زاماناۋي سپورت ينفراقۇرىلىمى بار ەكەنٸن ايتتى.
قاسىم-جومارت توقاەۆ قازاقستاننىڭ الداعى يتالييادا ٶتەتٸن قىسقى وليمپيادا ويىندارىنا جٷيەلٸ ەرٸ تىڭعىلىقتى دايىندالىپ جاتقانىن جەتكٸزدٸ.
ٶز كەزەگٸندە FIS پرەزيدەنتٸ يوحان ەلياش ەلٸمٸزدە سپورتتى دامىتۋعا كٶرسەتٸلٸپ وتىرعان قولداۋ ٷشٸن مەملەكەت باسشىسىنا العىس بٸلدٸرٸپ, قازاقستاندىق سپورتشىلاردىڭ حالىقارالىق دەڭگەيدەگٸ جارىستاردا جوعارى نەتيجەلەر كٶرسەتٸپ جٷرگەنٸنە نازار اۋداردى. سونىمەن قاتار ول قازاقستاندا جٷزەگە اسىرىلىپ جاتقان ەلەۋمەتتٸك-ەكونوميكالىق رەفورمالاردى جوعارى باعالادى.
كەزدەسۋ قورىتىندىسىندا تاراپتار سپورتشىلاردى دايارلاۋ, باپكەرلەردٸ وقىتۋ, تٶرەشٸلەردٸ دايىنداۋ جەنە تەجٸريبە الماسۋ باعىتتارىنداعى ىنتىماقتاستىقتى كەڭەيتۋ مٷمكٸندٸكتەرٸن تالقىلادى.
