El damýyndaǵy oń ózgerister kóp jaǵdaida bizneske bailanysty. Bul týraly QR Prezidenti Qasym-Jomart Toqaev aitty, dep habarlaidy QazAqparat.
«Ártaraptandyrylǵan ekonomika qurý mindeti áli de ózekti. Birde bir turaqty ekonomika qýatty óndiristik sektorsyz tirshilik ete almaidy. Indýstriialandyrýdyń balamasyzdyǵy týraly tezis ótkirligin joǵaltqan joq. Ondaǵan jyldyq jumys barysynda ilgerileý nelikten oryn almady? Basty qatelik munymen negizinen memleket ainalysty», - dep atap ótti Memleket basshysy elimizdiń iri biznes ókilderimen kezdesýi barysynda.
QR Prezidentiniń atap ótýinshe, qurylymdyq, onyń ishinde kvazimemlekettik qurylymdarǵa qatysty problemalardy sheshýge qomaqty qarajat jumsaldy.
«Degenmen, bastamalar biznesten, birinshi kezekte iri biznesten shyǵýy tiis bolatyn. Biraq, bul oryn almady. Memlekettik sektor qandai iri bolsa da, bul tek qana memlekettiń ekonomikalyq júiesiniń bir bóligi ǵana. Respýblikalyq biýdjettiń shyǵys bóligi barlyq statialarmen zeinetaqy, memlekettik mindetteme jáne damý biýdjeti shamamen 15 trln teńgeni nemese jalpy ishki ónimniń 20 paiyzyn quraidy. Qalǵanynyń barlyǵy naryqpen, úlken jáne kishi kásiporyndarmen qalyptasady. Sondyqtan da taǵy da qaitalap aitamyn, el damýyndaǵyy oń ózgerister kóp jaǵdaida bizneske bailanysty bolady», - dep atap ótti Qasym-Jomart Toqaev.
