Astanada Naýryzǵa arnalǵan miýziklǵa qatysqan Memleket basshysy Nursultan Nazarbaev qazaqstandyqtardy Naýryz meiramymen quttyqtady, - dep habarlaidy "Ult aqparat".
"Qurmetti otandastar, kele jatqan kóktem men jaqsylyqtyń merekesi - Naýryz meiramy barsha qazaqstandyqtarǵa qutty bolsyn! Bul - uzaq qystan keiin, aiaz ben borannan keiin asyǵa kútetin merekemiz. Atam zamannan beri bizdiń halyq bul merekelerdi kútken, birine biri qonaqqa barǵan, bar ókpeni umytqan, aǵash otyrǵyzǵan, úiiniń, aýylynyń mańyn tazalaǵan, jinastyryp, jazǵa, jańarýǵa jáne Jańa jylǵa daiyndalǵan. Meniń Jarlyǵymmen, Naýryzdy úsh kún toilaityn bolamyz. Erteden beri saqtalyp kelgen mereke Táýelsizdikpen birge qaita oraldy. Mineki, Táýelsizdikti alǵaly beri osy Naýryzdy atap kele jatyrmyz. Túbinde bul bizdiń negizgi jańajyldyq merekemiz bolady. 1 qańtardy I Petr Batys Eýropadan alyp kelgen edi. Ony da toilaimyz. Biraq bizdiń negizgi merekemiz - kún men túnniń teńeletin, tabiǵattyń barlyǵy oianatyn kez", - dep atap ótti N.Nazarbaev "Jańarǵan jer, baq qonǵan nurly el" atty miýzikldi tamashalaǵannan keiin tilshilerge bergen suhbatynda.
"Osy jyldardyń barlyǵynda biz Qazaqstannyń álemdegi abyroiy men damý máselelerin sheship kelemiz, halyq munyń barlyǵyn biledi, qazir bizdiń aldymyzda úlken mindetter tur. Álem óte jyldam ózgeredi, indýstriia ózgeredi, tehnologiia ózgeredi, ómir ózgeredi. Bizdiń mindetimiz damyǵan 30 eldiń qataryna kirý, eń bastysy halyqtyń ómiri. Sol úshin de men jaqynda bes bastamany jariialadym: baspanamen qamtý, ekinshisi, salyqtan bosatý, jastarymyzǵa qamqor bolý, bilim berý, jańa granttar, jataqhanalar qurylysy, Qazaqstandy gazben qamtý. (...) Men barsha qazaqstandyqqa bereke, baqyt, birlik, sáttilik jáne gúldenýdi tilegim keledi", - dedi Nursultan Nazarbaev.
Kongress-ortalyqta sahnalanǵan joǵary tehnologiialyq mýzykalyq horeografiialyq etno-modern qoiylym "Jańarǵan jer, baq qonǵan nurly el" dep ataldy.
Miýzikldiń negizgi maqsaty - mifologiia arqyly Naýryz meiramynyń mán-mańyzyn jańa qyrynan kórsetý, ulttyq qundylyqtardy tyń janrmen jetkizý. Stsenariige sáikes, Naýryz esimdi jas jigit Aiazbike, Jeztyrnaq siiaqty jaǵymsyz keiipkerlermen kúresip, kóktemniń jarshysy - Qarlyǵash degen sulý qyzdy qutqarady. Jolǵa shyǵardyń aldynda dana qariia oǵan óz batasyn berip: "Naýryz, sen mańdaiynan kún súiip, taǵdyrdyń tańdaýy túsken erekshe balasyn. Saǵan úlken mindet júkteldi. Zulym kúshter adamnan tartyp alǵan eń qundy qasietterdi qaitarýyń kerek. Jan men tándi muz qursaýynan bosatar - jylýlyq. Qapas qarańǵylyqty jeńetin - nur sáýlesi. Tas júrekti jibitetin - maxabbat sezimi. Qorǵansyzdyqtan saqtaityn - sabyrlyq, aramdyqtan qutqaratyn - adaldyq syndy qasietter, balam!", - dep siqyrly qaýyrsyndy tapsyrady. Osydan keiin bas keiipker - Naýryz barlyq jaǵymsyz keiipkerlerdi jeńip, maqsatyna jetedi. Jer-jahanǵa kún sáýlesin túsirip, zulymdyq pen jamandyq kúshterin jeńedi. Ómirdiń filosofiiasyn túsinedi.
Dana qariiaǵa qaityp kelgende Naýryz jigit ómirdiń mánin túsingenin aitady. "Men barlyq qiyndyqtardy eńserip, baq-bereke men baqyttyń qupiiasyn taptym. Ol - xalyqtyń birligi, beibitshilik pen tynyshtyq, ata-babalardyń ósietine adaldyq", - deidi Naýryz.
Aita ketken jón, miýziklǵa opera, balet, tsirk, estrada men tanymal bi ujymdary qatysty. Uiymdastyrýshylar bunyń barlyǵyn klassikalyq jáne dástúrli mýzykamen, grafika men kompiýterlik texnologiiamen sheber kórsete bildi.
.jpeg)