Sýret: Aqorda
Memleket basshysy Qasym-Jomart Toqaev Qazaqstan halqyn Qurban ait merekesimen quttyqtady, dep habarlaidy "Ult aqparat".
Qadirli otandastar!
Qurban ait qutty bolsyn! Bul – imandylyq pen meiirimdiliktiń, adamgershilik pen adaldyqtyń, janashyrlyq pen jaýapkershiliktiń mán-mańyzyn arttyra túsetin meiram.
Barsha musylmandar asyǵa kútetin qasterli merekeniń taǵylymy zor. Qurban aitta, eń aldymen, saýaby mol igi amaldar jasalyp, eldi izgilikke bastaityn qundylyqtar keńinen dáripteledi. Sol arqyly halqymyzdyń rýhani tutastyǵy nyǵaia túsedi.
Ata dinimizdiń ulaǵaty bizdiń salt-dástúrimizben tyǵyz sabaqtasyp jatyr. Halqymyz qashanda qiyndyqqa tap bolǵan jandarǵa qol ushyn berip, kómegin aiamaǵan. Kóktemdegi alapat tasqyn kezinde jurtymyzdyń osy asyl qasieti aiqyn kórindi. Biz yrysty yntymaǵymyzdyń arqasynda kez kelgen qiyndyqty jeńemiz.
Aittan aitqa aman-esen jete bereiik! Duǵa-tilekterińiz qabyl bolsyn! Ár shańyraqqa amandyq, tolaiym tabys tileimin!
Búgin kúlli musylman úshin ulyq sanalatyn Qurban ait merekesi bastaldy.
