QR Prezidenti Nursultan Nazarbaev qazaqstandyqtardy Konstitýtsiia kúnimen quttyqtady. Bul týraly Aqordanyń baspasóz qyzmeti habarlady.
«Qymbatty otandastar!
Barshańyzdy halqymyz úshin mańyzy zor mereke – Konstitýtsiia kúnimen quttyqtaimyn!
Osydan 22 jyl buryn jalpyhalyqtyq referendýmda qabyldanǵan Ata zańymyz Qazaqstan Respýblikasynyń zaiyrly, quqyqtyq jáne birtutas memleket retindegi bazalyq negizin qalady.
Konstitýtsiia táýelsizdigimizdiń berik tiregine, tabysty damýymyzdyń jáne Qazaqstannyń halyqaralyq deńgeidegi biik bedeliniń kepiline ainaldy.
Ol elimizdiń basty qundylyqtary retinde qoǵamdyq-saiasi birlikti, kelisim men turaqtylyqty qalyptastyrdy.
Saiasi júieniń tiimdiligin arttyrý jáne memlekettigimizdiń myzǵymastyǵyn qamtamasyz etý baǵytynda elimizde júrgizilgen konstitýtsiialyq reforma jańa jahandyq ózgeristerge jaýap beredi.
Konstitýtsiiamyz Qazaqstannyń álemniń ozyq 30 eliniń qataryna qosylýy jolynda jańǵyrý úderisin odan ári iske asyrýdyń, demokratiialyq bastamalarymyzdy nyǵaitýdyń, azamattardyń ál-aýqatyn kóterýdiń jáne qoǵamdy biriktirýdiń mańyzdy faktory bolyp sanalady.
Barsha qazaqstandyqtarǵa shyn kóńilden beibit ómir, tabys jáne qut-bereke tileimin!», - dedi Elbasy.
.jpeg)