Memleket basshysy Nursultan Nazarbaev «Qazaq eli» kinofilminiń kórsetilimin tamashalady, dep habarlaidy "Ult aqparat" Aqordaǵa silteme jasap.
Elbasynyń ózi ideia avtory bolyp sanalatyn kinoepopeia Mádeniet jáne sport ministrliginiń tapsyrysy boiynsha Sháken Aimanov atyndaǵy «Qazaqfilm» aktsionerlik qoǵamynyń kinostýdiiasynda túsirilgen.
Qazaqstandyq jańa tarihi kinotýyndyǵa qazaq ádebietiniń klassigi Iliias Esenberlinniń «Kóshpendiler» trilogiiasynyń birinshi kitaby – «Almas qylysh» romany negiz bolǵan. Filmdegi oqiǵalar XV ǵasyrda órbidi. Oǵan Jánibek pen Kerei handar tusyndaǵy qazaq memlekettiliginiń qalyptasýy barysyndaǵy basty oqiǵalar arqaý bolady.
Kóp seriialy telejoba jumysyna respýblikadaǵy tanymal kinomatografister – qoiýshy rejisser Rústem Ábdirashev, stsenarister Smaǵul Elýbaev pen Timýr Jaqsybekov atsalysty. Jalpy, bul filmdi túsirý jumysyna 500 adam tartylǵan.
.jpeg)