Foto: Aqorda
Prezident Ekinshi dúniejúzilik soǵys kezinde milliondaǵan otandasymyz janqiiarlyqpen shaiqasyp, aianbai jumys istep, áskerdi kerek-jaraqpen qamtamasyz etkenin aitty, dep habarlaidy Aqordanyń baspasóz qyzmeti.
Toqaev atap ótkendei, júzden astam jerlesimiz «Dańq» ordeniniń tolyq kavaleri atandy, bes júz adam Batyr ataǵyn aldy, ondaǵan myń azamat jaýyngerlik erligi jáne qajyrly eńbegi úshin marapattaldy.
"Qymbatty otandastar! Sizderdi Jeńis kúnimen shyn júrekten quttyqtaimyn! Búgin biz maidan dalasynda Otan úshin ot keship, erlik jasaǵan jaýyngerlerge jáne tylda tabandy eńbek etken ardagerlerge shynaiy rizashylyq sezimmen taǵzym etemiz. Qasiretti jyldardyń barlyq aýyrtpalyǵyn qaiyspai kóterip, Jeńiske jetken aǵa býynǵa airyqsha qurmet kórsetemiz. Elimiz ortaq Jeńiske ólsheýsiz úles qosty. Ekinshi dúniejúzilik soǵys kezinde milliondaǵan otandasymyz janqiiarlyqpen shaiqasty, aianbai jumys istep, áskerdi kerek-jaraqpen qamtamasyz etti. Júzden astam jerlesimiz «Dańq» ordeniniń tolyq kavaleri atandy, bes júz adam Batyr ataǵyn aldy, ondaǵan myń azamat jaýyngerlik erligi jáne qajyrly eńbegi úshin marapattaldy. Biz aǵa býynnyń óshpes dańqyn eshqashan umytpaimyz", — dedi Prezident.
Memleket basshysynyń sózinshe, jaýjúrek sardarlar men sarbazdardyń qurmetine memorialdar ornatyldy, kitaptar shyǵarylyp, filmder túsirildi, sondai-aq kóshelerge, mektepterge, mýzeilerge, áýejailarǵa, áskeri bólimder men institýttarǵa el qorǵaǵan erlerdiń esimi berilip jatyr. Qaharman ardagerlerimizdiń eren erliginiń mán-maǵynasyn óskeleń urpaqtyń sanasyna sińirý — búgingi býynnyń qasietti paryzy.
"Biz erjúrek maidangerlerdiń qaitpas qaisarlyǵy men asqaq rýhynyń arqasynda derbes ári beibit elde ómir súrip kelemiz, sondai-aq, tól mádenietimizdi damytyp, qazirgi zamannyń igiligin sezinip otyrmyz. Qazaqstandy búkil álem biledi jáne qurmetteidi. Biz jańa Konstitýtsiia erejelerine sáikes Ádiletti Qazaqstandy quryp jatyrmyz. Ata zańymyz eshkimdi ultyna, nanym-senimine qarai bólip-jarmaidy, barlyq azamattyń quqyqtary men bostandyqtaryn birdei qorǵaidy. Uly Jeńis kúni — eń aldymen, jaýyngerlik erligi men jigerli eńbeginiń arqasynda mamyrajai zamanǵa jetkizgen batyrlarymyzdyń esimin el jadynda jańǵyrtý kúni. Bul — ulan-asyr toiǵa emes, mándi ári maǵynaly oiǵa shaqyratyn mereke. Halqymyzdyń beibit ómirge jáne ósip-órkendeýge umtylysynyń aiqyn kórinisi ispettes kók bairaǵymyz árdaiym ashyq aspan astynda jelbiresin! Uly Jeńis kúni qutty bolsyn!", — dedi Toqaev.
Aita keteiik, keshe Memleket basshysy Qasym-Jomart Toqaev Máskeý qalasyna jumys saparymen bardy. Prezident Uly Jeńistiń 81 jyldyǵyna arnalǵan saltanatty is-sharalarǵa qatysady.
