Memleket basshysy Qasym-Jomart Toqaev Qarjylyq monitoring agenttiginiń tóraǵasy Janat Elimanovty qabyldady, dep habarlaidy Aqorda.
Qasym-Jomart Toqaevqa jańadan qurylǵan Qazaqstan Respýblikasynyń Qarjylyq monitoring agenttiginiń aldaǵy josparlary, jaqynda taratylǵan Qarjy monitoringi komitetiniń 2020 jyly atqarǵan jumystarynyń qorytyndylary týraly baiandaldy.
Prezidentke Qylmystyq jolmen alynǵan kiristerdi zańdastyrýǵa jáne terrorizmdi qarjylandyrýǵa qarsy is-qimyl jónindegi Eýraziialyq top sheńberinde Aqshany jylystatýǵa qarsy kúrestiń qarjylyq sharalaryn ázirleý tobynyń (FATF) normalaryn iske asyrýdy ózara baǵalaýdyń ekinshi kezeńin ótkizýge daiyndyq barysy týraly aqparat berildi.
Qasym-Jomart Toqaev Janat Elimanovqa kóleńkeli ekonomikaǵa qarsy is-qimyl jónindegi jumysty kúsheitýdi, bul rette biznesin adal istep otyrǵan kásipkerlerdiń múddesin qorǵaýdy jáne olardyń jumysyna jónsiz aralasýǵa jol bermeýdi tapsyrdy.
