Elbasy Aýyl sharýashylyǵy ministrligi Sý resýrstary komitetiniń tóraǵasy Islam Ábishevti qabyldady, - dep habarlaidy "Ult aqparat" Aqordaǵa silteme jasap.
Kezdesýde sý resýrstaryn damytý jáne aýyldyq jerlerdiń turǵyndaryn aýyz sýmen qamtamasyz etý máseleleri talqylandy.
Memleket basshysy Astanany jáne ózge de óńirlerdi sý deńgeiiniń kóterilýi men sý tasqynynan qaýipsiz etýge múmkindik beretin jobalardy iske asyrýdyń mańyzdylyǵyn erekshe atap ótti.
– Sýdyń kóptigi sý deńgeiiniń kóterilý qaýpin týdyrady. Bir jaǵynan, ony utymdy, ásirese aýyl sharýashylyǵynda paidalanýǵa bolady. Osyǵan orai ár eldi-mekende shaǵyn sý qoimalaryn salýdy qamtamasyz etý qajet, – dedi Nursultan Nazarbaev.
Qazaqstan Prezidentine bógetterdiń qazirgi jaǵdaiy jáne sý deńgeiiniń kóterilýi men sý tasqyny bolýy múmkin óńirlerde jańa sý qoimalaryn salý perspektivalary jóninde málimet berildi.
Sondai-aq, Elbasy Astana mańyndaǵy sý qoimalary men kólderdiń týristik áleýetin arttyrý qajettigin aitty.
– Keńbidaiyq sý qoimasy qalaǵa jaqyn ornalasqan. Bul jer elorda turǵyndary demalatyn oryndardyń birine ainalýǵa tiis. Onda jaǵajai jasap, demalys oryndaryn salý kerek, – dedi Memleket basshysy.
Kezdesý sońynda Nursultan Nazarbaev birqatar naqty tapsyrma berdi.
.jpeg)