Memleket basshysy Grýziia Prezidenti Salome Zýrabishvilige kóńil aitty, dep habarlaidy "Ult aqparat" Aqordanyń resmi saityna silteme jasap.
Prezident Qasym-Jomart Toqaev Grýziianyń Shatili taýly mekeni mańaiynda oryn alǵan jol-kólik apaty saldarynan kóptegen adamdardyń qaza bolyp, zardap shekkeni týraly sýyt habardy tereń kúizelispen qabyldap, kóńil aitý jedelhatyn joldady.
«Osyndai aýyr sátte orny tolmas qaiǵyǵa ortaqtasyp, barsha qazaqstandyqtardyń jáne jeke óz atymnan dostas Grýziia halqyna, jaqyndarynan airylǵan otbasylarǵa kóńil aitamyn. Qasiretti oqiǵada zardap shekkenderdiń tez arada saýyǵýyna tilektespin», – delingen jedelhatta.
Aita keteiik, osyǵan deiin Grýziianyń soltústik-shyǵysyndaǵy taýly aimaqtaǵy jolda avtobýs jardan qulap, keminde 17 adamnyń mert bolǵanyn jazǵan edik.
