مەملەكەت باسشىسى گرۋزييا پرەزيدەنتٸ سالومە زۋرابيشۆيليگە كٶڭٸل ايتتى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنت قاسىم-جومارت توقاەۆ گرۋزييانىڭ شاتيلي تاۋلى مەكەنٸ ماڭايىندا ورىن العان جول-كٶلٸك اپاتى سالدارىنان كٶپتەگەن ادامداردىڭ قازا بولىپ, زارداپ شەككەنٸ تۋرالى سۋىت حاباردى تەرەڭ كٷيزەلٸسپەن قابىلداپ, كٶڭٸل ايتۋ جەدەلحاتىن جولدادى.
«وسىنداي اۋىر سەتتە ورنى تولماس قايعىعا ورتاقتاسىپ, بارشا قازاقستاندىقتاردىڭ جەنە جەكە ٶز اتىمنان دوستاس گرۋزييا حالقىنا, جاقىندارىنان ايرىلعان وتباسىلارعا كٶڭٸل ايتامىن. قاسٸرەتتٸ وقيعادا زارداپ شەككەندەردٸڭ تەز ارادا ساۋىعۋىنا تٸلەكتەسپٸن», – دەلٸنگەن جەدەلحاتتا.
ايتا كەتەيٸك, وسىعان دەيٸن گرۋزييانىڭ سولتٷستٸك-شىعىسىنداعى تاۋلى ايماقتاعى جولدا اۆتوبۋس جاردان قۇلاپ, كەمٸندە 17 ادامنىڭ مەرت بولعانىن جازعان ەدٸك.
