Úkimet óńir ákimderimen birge densaýlyq saqtaý uiymdaryna túgendeý júrgizedi. Bul týraly Úkimettiń keńeitilgen otyrysynda Memleket basshysy Qasym-Jomart Toqaev aitty, dep habarlaidy "Ult aqparat".
«Densaýlyq saqtaý júiesin damytý. Ol pandemiia kezinde beriktiktiń qatań synaǵynan ótti. Salanyń barlyq júieli problemasy shyqty. Buǵan qosa, ózge meditsinalyq qyzmetter zardap shekti. Bul birden halyqtyń densaýlyǵyna áserin tigizdi», - dedi Memleket basshysy.
QR Prezidenti ótken jyly 156 ana ómirden ozǵanyna nazar aýdartty.
«Ótken jyly 156 anadan aiyrylyp qaldyq, ólim-jitim ósimi – 2,8 ese. Bul statistikanyń qurǵaq tsifrlary emes. Bul – 156 otbasy úshin orny tolmas aýyr qaza. Ana ólim-jitimi joǵary bolýy sebepteriniń ishinde perzenthanalardyń álsiz jabdyqtalýy jyldan jylǵa baiqalady. Reanimatsiialyq bólimderdiń de jabdyqtalýy qanaǵattanarlyq emes. Aýyr naýqastardy emdeý úshin qural-jabdyqtar men qajetti materialdar joq. Úkimetke óńir ákimderimen birlesip, kásibi qaýymdastyqtarmen barlyq densaýlyq saqtaý uiymdaryna túgendeý júrgizýdi tapsyramyn», - dedi Qasym-Jomart Toqaev.
