Sottar qoǵammen ashyq dialogty jolǵa qoiýy tiis. Bul týraly QR sýdialarynyń VIII sezinde Memleket basshysy Qasym-Jomart Toqaev aitty, dep habarlaidy QazAqparat.
«Taǵy bir mańyzdy sát - sot tájiribesiniń birkelkiligi men júieliligi. Bul - azamattar men biznestiń senim máselesi. Qoǵam ashyqtyǵy arta túsken jaǵdaida sottar kommýnikatsiianyń túrli arnalary arqyly qoǵamdyq institýttarmen ashyq dialogty jolǵa qoiýy tiis», - dedi QR Prezidenti.
Memleket basshysynyń atap ótýinshe, sottarda qoǵammen jáne BAQ-pen ózara is-qimyl boiynsha tiimdi strategiia bolýy qajet.
«Búginde Qazaqstannyń sot júiesiniń aldynda osyndai mindet tur. Eger biz bul máselelerdiń barlyǵyn ádil ári saýatty sheshetin bolsaq, onda reformalardyń maqsatyna qol jetkize alatyndyǵymyzǵa senimdimin. Bul bizdiń ortaq maqsatymyz. Bul baǵytta birlese otyryp jumys isteimiz dep oilaimyn», - dedi Qasym-Jomart Toqaev.
