Memleket basshysy biyl elimizdegi ózekti máselelerge qatysty 862 tvit jariialady. Bul týraly búgin Aqordada ótken brifingte QR Prezidentiniń baspasóz hatshysy Berik Ýáli aitty, dep habarlaidy "Ult aqparat".
«Memleket basshysy Twitter áleýmettik jelisin 2011 jyldan beri belsendi qoldanyp keledi. Búginde Memleket basshysynyń tvitterinde 137 myń oqyrmany bar»,- dedi Berik Ýáli.
Onyń aitýynsha, Prezident tvitterdegi paraqshasy arqyly elimizdegi qoǵamdyq, áleýmettik-ekonomikalyq, saiasi máselelerge nemese oqiǵalarǵa qatysty pikirin bildirip, tapsyrma berip otyrady. Ýaqyt únemdeý turǵysynan mundai jumys stili – óte tiimdi. Sebebi berilgen tapsyrmanyń der kezinde nazarǵa alynyp, tiisti sheshimin tabýy – basty maqsat.
«Jalpy, Prezident qyzmetine kiriskeli beri Qasym-Jomart Kemeluly elimizdegi ózekti máselelerge, qoǵamda bolyp jatqan túrli oqiǵalarǵa qatysty 862 tvit jariialady. Sáýir aiynan beri Qasym-Jomart Kemelulynyń Instagram jelisinde millionǵa jýyq jazylýshy tirkelgen. Prezident osy jelidegi paraqshasyna 60 jazba jariialady», - dedi ol.
