مەملەكەت باسشىسى بيىل ەلٸمٸزدەگٸ ٶزەكتٸ مەسەلەلەرگە قاتىستى 862 تۆيت جارييالادى. بۇل تۋرالى بٷگٸن اقوردادا ٶتكەن بريفينگتە قر پرەزيدەنتٸنٸڭ باسپاسٶز حاتشىسى بەرٸك ۋەلي ايتتى, دەپ حابارلايدى "ۇلت اقپارات".
«مەملەكەت باسشىسى Twitter ەلەۋمەتتٸك جەلٸسٸن 2011 جىلدان بەرٸ بەلسەندٸ قولدانىپ كەلەدٸ. بٷگٸندە مەملەكەت باسشىسىنىڭ تۆيتتەرٸندە 137 مىڭ وقىرمانى بار»,- دەدٸ بەرٸك ۋەلي.
ونىڭ ايتۋىنشا, پرەزيدەنت تۆيتتەردەگٸ پاراقشاسى ارقىلى ەلٸمٸزدەگٸ قوعامدىق, ەلەۋمەتتٸك-ەكونوميكالىق, ساياسي مەسەلەلەرگە نەمەسە وقيعالارعا قاتىستى پٸكٸرٸن بٸلدٸرٸپ, تاپسىرما بەرٸپ وتىرادى. ۋاقىت ٷنەمدەۋ تۇرعىسىنان مۇنداي جۇمىس ستيلٸ – ٶتە تيٸمدٸ. سەبەبٸ بەرٸلگەن تاپسىرمانىڭ دەر كەزٸندە نازارعا الىنىپ, تيٸستٸ شەشٸمٸن تابۋى – باستى ماقسات.
«جالپى, پرەزيدەنت قىزمەتٸنە كٸرٸسكەلٸ بەرٸ قاسىم-جومارت كەمەلۇلى ەلٸمٸزدەگٸ ٶزەكتٸ مەسەلەلەرگە, قوعامدا بولىپ جاتقان تٷرلٸ وقيعالارعا قاتىستى 862 تۆيت جارييالادى. سەۋٸر ايىنان بەرٸ قاسىم-جومارت كەمەلۇلىنىڭ Instagram جەلٸسٸندە ميلليونعا جۋىق جازىلۋشى تٸركەلگەن. پرەزيدەنت وسى جەلٸدەگٸ پاراقشاسىنا 60 جازبا جارييالادى», - دەدٸ ول.
