Qazaqstan Respýblikasy Prezidentiniń buqaralyq aqparat quraldary salasyndaǵy syilyqtaryn berý, granttaryn tapsyrý jáne Alǵysyn jariialaý týraly Jarlyqqa qol qoidy, dep habarlaidy Aqorda.
1. Eldiń áleýmettik-ekonomikalyq jáne qoǵamdyq-saiasi damýyn aqparattyq turǵydan qamtamasyz etý isindegi buqaralyq aqparat quraldarynyń eleýli rólin eskere otyryp, Qazaqstan Respýblikasy Prezidentiniń buqaralyq aqparat quraldary salasyndaǵy syilyqtaryn berý, granttaryn tapsyrý jáne Alǵysyn jariialaý jónindegi qoǵamdyq komissiianyń usynymyn qarai kelip:
Qazaqstan Respýblikasy Prezidentiniń
buqaralyq aqparat quraldary salasyndaǵy syilyqtary:
Qýatov Dáýren Qasenulyna – «Qazaq ádebieti» gazetiniń bas redaktoryna, Memleket basshysynyń qyzmetin belsendi ári jan-jaqty túsindirip, jariialap-kórsetkeni úshin;
Qydyráli Darhan Qýandyqulyna – «Egemen Qazaqstan» respýblikalyq gazeti» AQ basqarma tóraǵasyna, qazaqtildi buqaralyq aqparat baspasóz quraldarynyń damýyna qosqan eleýli úlesi úshin;
Sarybai Serik Ábikenulyna – «Jetisý» telearnasynyń direktoryna, Qazaqstan jýrnalistikasynyń jáne ulttyq buqaralyq aqparat quraldarynyń damýyna qosqan eleýli úlesi úshin;
Trýhachev Aleksandr Vladimirovichke – «Habar» telearnasynyń taldamalyq baǵdarlamalar bóliminiń shef-redaktoryna, otandyq telejýrnalistikanyń damýyna qosqan úlesi úshin berilsin;
Qazaqstan Respýblikasy Prezidentiniń
buqaralyq aqparat quraldary salasyndaǵy granttary:
Áshim Albinaǵa – «QAZAQSTAN» ulttyq telearnasynyń tilshisine, qazaqstandyq televiziianyń damýyna qosqan úlesi úshin;
Madiiarova Maqpal Baqytbekqyzyna – «Habar» telearnasy taldamalyq baǵdarlamalar bóliminiń tilshisine, Qazaqstan damýynyń ózekti máselelerin jariialap-kórsetken aqparattyq-taldamalyq qyzmeti úshin;
Nurysheva Marjan Erkimbekqyzyna – «Semei» telearnasynyń redaktor-telejúrgizýshisine, Qazaqstannyń óńirlik saiasatyn tiimdi aqparattyq súiemeldeýge qosqan úlesi úshin;
Smailov Jandos Meiirbekulyna – «Azattyq rýhy» aqparat agenttiginiń shyǵarýshy redaktoryna, internet-keńistikte aqparatty jariialap-kórsetýdi ilgeriletýge qosqan úlesi úshin tapsyrylsyn;
Qazaqstan Respýblikasy Prezidentiniń
buqaralyq aqparat quraldary salasyndaǵy Alǵysy:
«Ana tili» gazetiniń shyǵarmashylyq ujymyna – ulttyq baspasózdiń damýyna qosqan eleýli úlesi úshin;
«Qazaqparat» halyqaralyq aqparat agenttiginiń shyǵarmashylyq ujymyna – qoǵamdyq-saiasi, áleýmettik-ekonomikalyq jáne mádeni-gýmanitarlyq salalardy aqparattyq jariialap-kórsetýge qosqan erekshe úlesi úshin;
«Kazahstanskaia pravda» respýblikalyq gazetiniń shyǵarmashylyq ujymyna – elimizdiń buqaralyq aqparat quraldarynyń damýyna qosqan eleýli úlesi úshin;
«QAZAQSTAN» ulttyq telearnasynyń Mańǵystaý oblystyq filialynyń shyǵarmashylyq ujymyna – óńirlik jýrnalistikanyń damýyna qosqan úlesi úshin jariialansyn.
2. Osy ókim buqaralyq aqparat quraldarynda jariialansyn.
Qazaqstan Respýblikasynyń
Prezidenti Q.Toqaev
