Qazaqstan halqyna Joldaýyn jariialaǵan Prezident Qasym-Jomart Toqaev azyq-túlik baǵasyn turaqtandyrý tásilderin atady, dep habarlaidy QazAqparat tilshisi.
«Qalyptasqan halyqaralyq jaǵdaida eldiń azyq-túlik qaýipsizdigin qamtamasyz etý úlken mańyzǵa ie bolyp otyr. Ýkrainadaǵy jaǵdai azyq-túlik baǵasynyń kenet qymbattaýyna ákeldi. Bul baǵalar jýyq arada búkil rekordtardy buzýy ábden yqtimal. Osynyń aiasynda egis naýqanyn sapaly ótkizý birinshi josparǵa shyǵady. Alaida, meniń bilýimshe, fermerlerdiń kóbi egis naýqanyna daiyn emes. Úkimet pen ákimdikter bul jumysty erekshe baqylaýyna alýy kerek. Diqandardy qolaily baǵadaǵy janarmaidyń qajetti kólemimin qamtý qajet», - dedi Qasym-Jomart Toqaev.
Sondai-aq, ol aýyl sharýashylyǵy tehnikalarynyń daiyndyǵyn tuqym men tyńaitqyshtardyń qaýipsizdigin qaita bir tekserý kerektigin eske saldy.
«Birqatar óńirde jaýyn-shashynnyń az bolýy egin shyǵymyna keri áser etip, jalpy jemshóptiń tapshylyǵyna ákelýi múmkin ekenin umytýǵa bolmaidy. Jalpy alǵanda, fermerler qaýymdastyǵymen birge agroónerkásip keshenin qoldaýdyń tásilderin qaita qaraý kerek. Azyq-túliktiń tapshylyǵy men baqylaýsyz qymbattaýyn boldyrmaý úshin memlekettik turaqtandyrý qoryna aýyl sharýashylyǵy ónimderin forvardtyq baǵamen satyp alýdy oilastyrý qajet», - dedi Prezident.
