Qasym-Jomart Toqaev Áziret-Sultan meshitine baryp, Qazaqstan musylmandary dini basqarmasynyń jańadan sailanǵan bas múftii Naýryzbai qajy Taǵanulymen kezdesti, dep habarlaidy Aqordanyń baspasóz qyzmeti.
Qazaqstan Prezidenti bas múftidi jańa laýazymymen quttyqtap, aldaǵy qyzmetine tabys tiledi.
Kezdesý barysynda eldegi tatýlyq pen turaqtylyqty saqtaý, din arqyly azamattardy kelisim men yntymaqqa shaqyrý, rýhani baǵdar berý qajettiligi men jat dini aǵymdardyń ziiandy áreketteri jaiynda aityldy.
– Halyqty tatýlyqqa, birlikke, pátýaǵa shaqyrý kerek. Qazirgi ýaqytta dúnie júzinde ártúrli jat úderister paida bolyp jatyr. Sondyqtan buǵan tyiym salyp, jol bermeýge tiispiz. El múddesine qyzmet etip, osy baǵytta durys úgit-nasihat jumystaryn júrgizý qajet, – dedi Qasym-Jomart Toqaev.
Naýryzbai qajy Taǵanuly Memleket basshysyna Qazaqstan musylmandary dini basqarmasynyń aldaǵy aqparattyq jáne uiymdastyrýshylyq jumystary men qaiyrymdylyq sharalarynyń josparyn tanystyrdy. Basqarma jumysy imandylyq, otanshyldyq, bilimdilik, aýyzbirshilik, eńbekqorlyq, mádeniettilik jáne ádildik siiaqty jeti rýhani qazyqqa negizdelmek.
